সোণতলীৰ বগুৰিগুৰি দলঙেৰে বিপদসংকুল যাত্ৰা : উন্নয়নত পিঠি দিছে বিধায়িকা নন্দিতা দাস

সোণতলী : দক্ষিণ বকো সমষ্টিৰ অতি ব্যস্ততাপূৰ্ণ বগুৰিগুৰি-বটিয়ামাৰী পথৰ বিপদসংকুল ভয়ংকৰ জৰাজীৰ্ণ কাঠৰ দলঙেৰে অঞ্চলবাসীয়ে যাতায়াত অব্যাহত ৰাখিছে ৷ উক্ত গুৰুত্বপূৰ্ণ পথটিৰে প্ৰায় চাৰি-পাঁচখন গাঁৱৰ ৰাইজে বহিৰ্জগতৰ সৈতে যোগাযোগ অব্যাহত ৰাখি আহিছে ৷ বিগত প্ৰায় ৬ মাহ ধৰি দলংখনেৰে ৰাইজৰ চলাচলৰ বাবে অনুপযোগী হৈ পৰাত গভীৰ সমস্যাৰ সন্মুখীন হোৱাত মৰনক হৰণ দি এইদৰে অব্যাহত ৰাখিছে যাত্ৰা ৷ যিকোনো সময়ত দলংখন ভাগি পৰাৰো সম্ভাৱনা প্ৰকট হৈ পৰিছে ৷ কিয়নো এইখন দলঙেৰে বহু কণ-কণ ছাত্ৰী পাৰাপাৰ অব্যাহত ৰাখে ৷ সম্প্ৰতি দলংখন মেৰামতিৰ অভাৱত যাতায়ত ব্যৱস্থা ব্যাহত হৈ পৰিছে ৷ স্থানীয় ৰাইজে ৰাজহুৱা ধনেৰে প্ৰতিবছৰেই দলংখন নিৰ্মাণ কৰে যদিও এইবেলি কভিড ১৯ ৰ ভয়াৱহতা আৰু লকডাউনে ৰাইজক জৰুলা কৰাৰ বাবেই গাঠিৰ ধন খৰচ কৰিব পৰা নাই গাঁওবাসীয়ে৷ সেয়ে স্থানীয় ৰাইজে চৰকাৰৰ সহায় বিচাৰিছে ৷ ইফালে স্থানীয় বিধায়িকা নন্দিতা দাসে সমষ্টি উন্নয়ন কৰাৰ ক্ষেত্ৰত সম্পূৰ্ণ পিঠি দিয়া বুলি অভিযোগ উত্থাপন কৰিছে স্থানীয় ৰাইজে ৷ উক্ত পথটোত এখন স্থায়ী দলং নিৰ্মাণ কৰিবলৈ ৰাইজে বিজেপি চৰকাৰখনৰ ওচৰত দাবী জনাইছে ৷