টিংখাং
ডিব্ৰুগড় জিলাৰ টিংখাং কুঁৱৰীগাঁৱৰ পদুমনিৰ ক্ষুদ্ৰ ব্যৱসায়ী দুৰ্লভ গগৈ (৩৯)ৰ ২৬ মে’ৰ পুৱা ১০ বজাত ডিব্ৰুগড়ৰ এখন ব্যক্তিগত নাৰ্চিংহোমত চিকিৎসাধীন অৱস্থাত শেষ নিশ্বাস ত্যাগ কৰে। প্ৰয়াত নকুল গগৈ আৰু প্ৰয়াত ইলাছী গগৈৰ তৃতীয় পুত্ৰ দুৰ্লভ গগৈয়ে দীৰ্ঘদিন অন্ত্ৰজনিত ৰোগত আক্ৰান্ত হৈ অহাৰ পৰৱৰ্ত্তী সময়ত ক্ৰমাৎ শাৰীৰিক অৱনতি ঘটাত যোৱা প্ৰায় দুমাহৰ পৰা চিকিৎসালয়ত নিয়মীয়া চিকিৎসা কৰাই থাকিবলগীয়া হৈছিল৷ ২৫ মে’ত পৰিস্থিতি হঠাতে অধিক জটিল হৈ পৰাত ততাতৈয়াকৈ আত্মীয়লোকে ডিব্ৰুগড়স্থিত ব্যক্তিগত নাৰ্চিংহোমত ভৰ্ত্তি কৰাইছিল আৰু চিকিৎসাধীন অৱস্থাত মৃত্যু হয়।সৰবৰহী ব্যক্তিগৰাকীয়ে মৃত্যুৰ সময়ত পত্নীৰ সৈতে আঢ়ৈ বছৰীয়া একমাত্ৰ কন্যা, ককায়েক, বৌৱেক, ভ্ৰাতৃ, ভগ্নী, পেহী, ভতিজীসহ অনেক আত্মীয় স্বজনক এৰি গৈছে। ব্যৱসায় সূত্ৰে পদুমনি গাঁৱত বসবাস কৰা দুৰ্লভ গগৈৰ নিথৰ দেহ কালি চিকিৎসালয়ৰ পৰা অনাৰ পাছত বিয়লি গড়গুৰি গাঁৱত থকা পিতৃগৃহত সৎকাৰ কৰা হয়৷ তেওঁৰ মৃত্যুত অঞ্চলটোত শোকৰ ছাঁ পৰে।