তিনিখনকৈ যুদ্ধত অংশগ্ৰহণ কৰা ভাৰতীয় বায়ুসেনাৰ প্ৰাক্তন সৈনিক মদন শইকীয়াৰ দেহৱসান : মাজুলীত শোকৰ বন্যা

 উজনি-মাজুলী, ১৭ নৱেম্বৰঃ ১৯৪৭ চনত মাজুলীৰ শালমৰাৰ বাঘচুকত জন্মগ্ৰহণ কৰা ব্যক্তিজনে পাছলৈ পৰিয়ালৰ লোকৰ লগত উজনি মাজুলীৰ বৃহত্তৰ মূদৈবিল অঞ্চলৰ নৱৰতনপুৰ-টকৌবাৰী সত্ৰ চুবুৰীত স্হায়ীভাবে থাকিৱলৈ লয় | ডাঙৰ ককায়েক বাপু শইকীয়াই অশেষ কষ্ট আৰু পৰিশ্ৰমেৰে তেখেতৰ সৰু ভ্ৰাতৃ মদন শইকীয়াক পঢ়ুৱাইছিল আৰু পঢ়াৰ মাজতেই তেনেদৰেই এদিন মদন শইকীয়া ভৰ্তি হৈছিল ভাৰতীয় বায়ুসেনাৰ সৈনিক হিচাপে | তেতিয়া আছিল ১৯৬৬ চন | ১৯৬৬ চনত বায়ুসেনাত ভৰ্তি হোৱা দিনাৰ পৰা তিনিখনকৈ যুদ্ধত অংশগ্ৰহণ কৰি মদন শইকীয়া হৈ পৰিছিল বায়ুসেনাৰ এজন যুজাৰু সৈনিক | বাংলাদেশৰ স্বাধীনৰ সময়ৰ যুদ্ধ আৰু ৯৯ চনৰ কাৰ্গিল যুদ্ধত বিশেষ পাৰদৰ্শিতা দেখুৱাৰ বাবে চাকৰি জীৱনত ১১ টাকৈ মেডেল প্ৰেছিডেণ্ট অফ ইণ্ডিয়াৰ হাতৰ পৰা ল’ৱলৈ সক্ষম হয় |  41 squadron, Air force station Palam, New Delhi t 1993 ৰ পৰা 1997 লৈকে তেখেতে সেৱা আগবঢ়াইছিল | চাকৰি জীৱনত নিষ্ঠা আৰু সততাৰে নিজৰ কৰ্মজীৱন সুন্দৰকৈ পাৰ কৰাৰ বাবে কমিনেশ্বন মেডেল ওঁ লাভ কৰিৱলৈ সক্ষম হৈছিল | গুৰুগ্ৰামৰ সম্বিত হস্পিতেলত যোৱা ১৫ নৱেম্বৰত শেষ নিশ্বাস ত্যাগ কৰা বায়ুসেনাৰ প্ৰাক্তন সৈনিকজনৰ নশ্বৰদেহ আজি পুৱতি নিশা গুৰুগ্ৰামৰ পৰা কফিনত এখনি এম্বুলেন্সত মাজুলীৰ মুদৈবিল গাঁৱত পোৱাৰ লগে লগে অঞ্চলটোত এক শোকাকুল পৰিবেশে বিৰাজ কৰে | অগনন ব্যক্তিয়ে তেখেতৰ নশ্বৰদেহত পুস্পমাল্যৰে শ্ৰদ্ধাঞ্জলি জনোৱাৰ অন্তত সৰু পুত্ৰ পংকজ শইকীয়াই মুখাগ্নি কৰে | মৃত্যুৰ সময়ত তেখেতৰ বয়স হৈছিল ৭৩ বছৰ | মৃত্যুৰ সময়ত তেখেতে সৰু ককায়েক কমিন শইকীয়া , পত্নী কাঞ্চন শইকীয়া , দুই পুত্ৰ , এগৰাকী কণ্যা আৰু পৰিয়ালৰ অন্যান সকলক ইহসংসাৰত এৰি থৈ গৈছে | তেখেতৰ মৃত্যুত মুদৈবিল গাঁওবাসী , নৱৰতনপুৰ চেমণীয়া সন্থা , টকৌবাৰীসত্ৰ পৰিচালনা সমিতি , চিৰাম উচ্চতৰ মাধ্যমিক বিদ্যালয়, মুদৈবিল বিশ্বজ্যোতি চেমণীয়া সন্থা , চিৰাম সমন্বয় শাখা সাহিত্য সভা , মাজুলী-ডায়েৰী পৰিয়াল বৰ্গ আৰু বহু দল সংগঠনে শোক প্ৰকাশ কৰি তেখেতৰ বিদেহ আত্মাৰ সদগতি কামনা কৰিছে |