সত্রাধিকাৰ নাৰায়ণ চন্দ্ৰ দেৱ গোস্বামীৰ মৃত্যু

জামুগুৰিহাট : অসমৰ বৈষ্ণৱ সংস্কৃতিৰ এগৰাকী পুৰোধা ব্যক্তি, শ্ৰীমন্ত শংকৰদেৱ বঁটা বিজয়ী, ডিব্ৰুগড় বিশ্ববিদ্যালয় অৱসৰপ্ৰাপ্ত অধ্যাপক, শ্ৰীশ্ৰী নতুন কমলাবাৰী সত্ৰৰ সত্ৰাধিকাৰ শ্ৰীশ্ৰী নাৰায়ণ চন্দ্ৰ দেৱ গোস্বামীৰ মৃত্যুত গভীৰ শোক প্ৰকাশ কৰিছে জামুগুৰিহাটৰ ঐতিহ্যমণ্ডিত বাৰেচহৰীয়া ভাওনা সমিতিয়ে। বাৰেচহৰীয়া ভাওনা সমিতিৰ সভাপতি ভৱ গোস্বামী আৰু প্ৰধান সম্পাদক জয়ন্ত বৰাই নাৰায়ণ চন্দ্ৰ দেৱ গোস্বামী মৃত্যু অসমৰ বাবে অপূৰণীয় ক্ষতি বুলি মন্তব্য কৰে। উল্লেখ্য যে ১৯৯৩ চনৰ জামুগুৰিহাটৰ ঐতিহ্যমণ্ডিত বাৰেচহৰীয়া ভাওনাৰ স্মৃতিগ্ৰন্থ উন্মোচনী সভাত নাৰায়ণ চন্দ্ৰ দেৱ গোস্বামীয়ে সভাপতিৰ আসন গ্ৰহণ কৰিছিল।