বৰুৱাঝাৰ সমবায় সমিতিৰ তেল চুৰি কাণ্ডৰ ন ন তথ্য উন্মোচণ : উচ্চ পৰ্যায়ৰ তদন্তৰ দাবী
খাৰুপেটীয়া
সমগ্ৰ ৰাজ্যজুৰি লকডাউন, সান্ধ্য আইন চলি থকাৰ সময়তেই দৰং জিলাৰ দলগাঁও ৰাজহ চক্ৰৰ অধীনত দুলিয়াপাৰা গাঁৱত যোৱা ৩ মে নিশা প্ৰায় ১০.৩০ বজাত এএছ ১৩ এল ৪৩৮৭ নম্বৰৰ মটৰ চাইকেলেৰ দুজন লোকে তীব্ৰ বেগেৰে গৈ থকা অৱস্থাত স্থানীয় গাঁওৰক্ষী বাহিনীৰ টহলদাৰী দল এটাই আগভেটি দি মটৰ চাইকেল খন ৰখায় যদিও মটৰ চাইকেলখনত অবৈধভাৱে ৪০ লিটাৰ কেৰাচিনসহ কুঁৱৰী পুখুৰী গাঁৱৰ ৰফিকুল ইছলামৰ লগতে মোল্লা পাৰা গাঁৱৰ ফৰিদুল হক নামৰ যুৱক দুজনক কৰায়ত্ত কৰি গাঁওৰক্ষী বাহিনীৰ সভাপতি ছাবান আলীৰ ঘৰত বহিবলৈ দিয়ে৷ গাঁওৰক্ষী বাহিনীৰ সম্পাদক আলিমুদ্দিনে বিষয়টো স্থানীয় সাংবাদিক শ্বেখ আব্দুল্লাহক অৱগত কৰাত সাংবাদিকগৰাকীয়ে ঘটনাস্থলীত উপস্থিত হৈ আৰক্ষীৰ হাতত চমজাই দিবলৈ গাঁওৰক্ষী বাহিনীৰ কৰ্তৃপক্ষক পৰামৰ্শ দিয়ে।পিছত গাঁওৰক্ষী বাহিনীৰ সম্পাদকগৰাকীয়ে দৈপাম আৰক্ষী চকীৰ ভাৰপ্ৰাপ্ত বিষয়া অকন শৰ্মাক খবৰ দিয়ে৷ গাঁওৰক্ষী বাহিনীৰ সম্পাদকৰ খবৰৰ ভিত্তিত দৈপাম আৰক্ষী চকীৰ ভাৰপ্ৰাপ্ত বিষয়াই আৰক্ষী দল এটাৰ সহযোগত ছাবান আলীৰ ঘৰৰ পৰা মটৰ চাইকেলসহ চোৰাং ব্যৱসায়ী ক্ৰমে ৰফিকুল ফৰিদুল হকক আৰক্ষীয়ে থানালৈ লৈ যায়। পিছদিনা তদন্তকাৰী আৰক্ষী বিষয়াই সোধপোছ কৰাত অবৈধ ৪০ লিটাৰ কেৰাচিন তেল দুলিয়া পাৰা গাঁৱৰ সুলভ মুল্যৰ দোকানী হানিফ আলীৰ পৰা ক্ৰয় কৰিছে স্বয়ং চোৰাং ব্যৱসায়ী দুজনে আৰক্ষী বিষয়াৰ আগত স্বীকাৰোক্তি দিয়াৰ পিছত আৰক্ষীয়ে সুলভ মুল্যৰ দোকানী হানিফ আলীক আৰক্ষীয়ে গ্ৰেপ্তাৰ কৰি চোৰাং ব্যৱসায়ী দুয়োজনসহ ৩ জনকো জে’ললৈ প্ৰেৰণ কৰে যদিও উক্ত দিনাখনতেই আদালতৰ পৰা জামিন লাভ চোৰাং ব্যৱসায়ী কেইজনে৷ পিছদিনা সুলভ মুল্যৰ দোকানী হানিফ আলীয়ে পৰিকল্পিতভাৱে চোৰাং ব্যৱসায়ীৰ সৈতে লগ লাগি আৰক্ষী-সংবাদ মাধ্যমৰ কৰ্মী আগত দিয়া ভাষ্যটোৰ মতে বাতৰি কৰিলে কিন্তু জে’লৰ পৰা জামিন লাভ কৰিয়েই সেই একেই কেইজন সংবাদ কৰ্মীৰ আগত সম্পূৰ্ণ বিপৰীত ভাষ্য প্ৰদান কৰি গাঁওৰক্ষী বাহিনীৰ দলটোক যি সকল সচেতন ৰাইজে সহায় সহযোগিতা আগবঢ়াই চোৰাং ব্যৱসায়ীক আৰক্ষীৰ হাতত চমজাই দিলে সেই সকল লোক ক্ৰমে প্ৰাক্তন ৱাৰ্ড মেম্বাৰ ছফৰ আলী, সমাজৰ সচেতন হবিবৰ ৰহমান, মনো আলী, আমিৰ উদ্দিন, গাঁওৰক্ষী বাহিনীৰ সভাপতি ছাবান আলী, ছাইফুল ইছলাম আদি ব্যক্তিৰ বিৰুদ্ধে চোৰাং ব্যৱসায়ীদ্বয়ে ভাষ্য সলনি কৰি কয় যে হানিফ আলীৰ পৰা এইসকল লোকে টকা ঘটাৰ কৌশল কৰি চোৰাং ব্যৱসায়ীক হেঁচা প্ৰয়োগ কৰা বুলি ভিত্তিহীন মন্তব্য দি হানিফ আলীক বচাবলৈ আপ্ৰান চেষ্টা চলাইছে বৃহৎ তেল চোৰৰ চক্ৰটোৱে চোৰাংব্যৱসায়ী দুজনক অস্ত্ৰ হিচাপে ব্যৱহাৰ কৰি গাঁওৰক্ষী বাহিনীক সহায় সহযোগ কৰা ব্যক্তিসকলৰ বিৰুদ্ধে অপপ্ৰচাৰ চলাইছে। ভাষ্য সলনি কৰি চোৰাং ব্যৱসায়ীসকলে মফিদুল ইছলামৰ যুৱক এজনৰ পৰা ক্ৰয় কৰা বুলি পুনৰ বিস্ফোৰক মন্তব্য দিয়াত এটা ৱেব পৰ্টেল চেনেলত বাতৰি পৰিৱেশন কৰি অঞ্চলটোত এক চাঞ্চল্যকৰ সৃষ্টি কৰিছে। জামিন লাভ কৰিয়েই চোৰাং ব্যৱসায়ীৰ ভাষ্য সলনি সংবাদ মাধ্যমৰ বাৰ বাৰ ভাষ্য সলনি কৰাত পুনৰ মফিদুল ইছলামৰ নাম সাঙুৰিছে৷ এতিয়া প্ৰশ্ন হয় এই তেল চুৰিকাণ্ডৰ লগত মফিদুলৰ নাম কিয় চৰ্চা হৈছে৷ চোৰাং ব্যৱসায়ী দুজন ক্ৰমে ফৰিদুল আৰু ৰফিকুলে যেতিয়া গাঁওৰক্ষী বাহিনী, আৰক্ষী, সংবাদ কৰ্মীৰ আগত স্বীকাৰুক্তি দিয়াত সুলভ মূল্যৰ দোকানী হানিফ আলীক আৰক্ষীয়ে গ্ৰেপ্তাৰ কৰি জে’ললৈ প্ৰেৰণ কৰিছিল তেতিয়াই হানিফ আলীৰ অনুজ্ঞাপত্ৰ বচাবলৈ উঠিপৰি লাগিছে সুলভ মূল্যৰ দোকানীৰ লগতে সমবায়ৰ একাংশ ৰথী-মহাৰথীৰ৷ মফিদুলৰ পৰা যদি চোৰাং ব্যৱসায়ীয়ে ক্ৰয় কৰিছে তেন্তে মফিদুলৰ কেৰাচিন বিক্ৰী কৰাৰ বৈধ নথি পত্ৰ আছে নে বুলি প্ৰশ্ন তুলিছে সচেতন মহলে৷ সমগ্ৰ বিষয়টিৰ ওপৰত আৰক্ষী প্ৰশাসনৰ এক উচ্চ পৰ্যায়ৰ তদন্ত কৰিলে তেল চুৰি কাণ্ডৰ বহু ৰথী-মহাৰথী ওলাব বুলি ৰাইজে দাবী উত্থাপন কৰিছে৷