নগাঁৱত ভাৰতীয় জনতা যুৱ মৰ্চাৰ উদ্যোগত মাটিৰ চাকি বিতৰণ

নগাঁও,১৩ নৱেম্বৰ : ভাৰতীয় জনতা যুৱ মৰ্চাৰ অসম প্ৰদেশৰ উদ্যোগত আৰু নগাঁও সদৰ মণ্ডল তথা হয়বৰগাঁও মণ্ডলৰ সহযোগত আজি দীপাৱলী উপলক্ষে নগাঁও চহৰত থলুৱা মৃৎ শিল্পী সকলে তৈয়াৰ কৰা মাটিৰ চাকি বিতৰণ কৰা হয়। সংগঠনটোৰ সদস্য সকলে নগাঁও চহৰৰ ঢাকাপট্টি তথা বৰবজাৰত এই মাটিৰ চাকি বিতৰণ কৰে।আত্মনিৰ্ভৰশীল অসম তথা আত্মনিৰ্ভৰশীল ভাৰতৰ লক্ষ্যৰে থলুৱা শিল্পী সকলে নিৰ্মাণ কৰা মাটিৰ চাকি বিতৰণ কৰে বুলি সংগঠনটোৰ সদস্য সকলে কয়। চীনা সামগ্ৰীয়ে বজাৰ চানি ধৰাৰ সময়ত ইয়াক বাধা দিয়াৰ উদ্দেশ্যৰে তেওঁলোকে এই মাটিৰ চাকি বিতৰণ কৰে। অনুষ্ঠানত ভাৰতীয় জনতা যুৱ মৰ্চা অসম প্ৰদেশৰ কাৰ্য্যনিৰ্বাহক সদস্য নৱাৰুণ বুঢ়াগোঁহাই আৰু টুমন চৰকাৰ প্ৰমুখ্যে যুৱ মন্ডলৰ সদস্য সকল উপস্থিত থাকে।