নামনি মাজুলীত বান সাহাৰ্য বিতৰণ

উজনি-মাজুলী  : মাজুলীৰ কাৰ্তিক চাপৰিত মাজুলী জিলা  টি.এম.পি.কে, এম.এম.কে. আৰু টি.এম.এম. কেৰ  উদ্যোগত আৰু ৩২ নং ৰাদাং ৰিককং সমষ্টিৰ মিচিং স্বায়ত্ব শাসিত পৰিষদৰ সাধাৰণ সদস্য উমা পাঠৰী লগতে আয়াং ট্ৰাষ্ট (NGO) এন.জি.অ. ৰ সহযোগত বান পীড়িত লোকসকলক সাহায্য বিতৰণ।  ইতিমধ্যে ১৯৫ টা  পৰিয়াল থকা গাঁওখন ভয়ানক খহনীয়াৰ কৱলত। কোনো গুৰুত্ব নাই চৰকাৰ, প্ৰশাসন বা বিভাগীয় কৰ্তৃপক্ষৰ।  প্ৰায় ৭০ ঘৰ মানুহ  খহনীয়াৰ বাবে গৃহহীন হৈছে। জাহ গৈছে বহুতো সা-সম্পত্তি। মুখ্যমন্ত্ৰী সমষ্টি মাজুলীৰ কাৰ্তিক চাপৰিত এনেদৰেই খহি গৈছে চপৰা চপৰ নিজৰ আপোন ঘৰ-বাৰী। ৰাইজৰ দাবী- আমাক নিৰাপদ স্থানলৈ স্থানান্তৰ কৰিব লাগে, নহ’লে আমাক নিশ্চিত নিৰাপত্তা প্ৰদানৰ বাবে জিঅ’ বেগৰ দ্বাৰা খহনীয়া প্ৰতিৰোধৰ কাম কৰিব লাগে। উক্ত সামগ্ৰী বিতৰণ কার্যসূচীত এম.এম.কে. ৰ কেন্দ্ৰীয় সাধাৰণ সম্পাদক প্ৰেমধৰ দলে,  মিচিং স্বায়ত্ব শাসিত পৰিষদৰ ৩২ নং ৰাদাং ৰিককং সমষ্টিৰ সাধাৰণ সদস্য উমা পাঠৰী, ৩১ নং ফুলনী জাকৈবোৱা সমষ্টিৰ সাধাৰণ সদস্য ত্ৰৈলোক্য পামেগাম, মাজুলী জিলাৰ  টি.এম.পি.কে. ৰ সভাপতি ৰাজু চিন্তে, এম.এম.কে. ৰ সম্পাদক ৰঞ্জিত গাম আৰু জিলা বিষয়ববীয়া সকল উপস্থিত থাকে।