নাজিৰাত শাৰীৰিক দূৰত্ব ৰক্ষাৰে ২০৫ জনলৈ খাদ্য সামগ্ৰী বিতৰণ।

নাজিৰা : ক’ভিড – ১৯ ৰোগ প্ৰতিৰোধৰ লগতে ব্যাপক সামাজিক শৃংখলাৰে এই ৰোগৰ সংক্ৰমণ ৰোধৰ ক্ষেত্ৰত লকডাউন আৰু সান্ধ্য আইনৰ কবলত পৰি ৰোৱা ২০৫ জন লোকক নিৰ্বাচিত কৰি এক খাদ্য সামগ্ৰী বিতৰণৰ কাৰ্য্যসচী আজি সম্পন্ন কৰা হয়। নাজিৰাৰ ন-মাটিত কিডচ কেম্প বিদ্যালয়ৰ প্ৰাঙ্গণত এল জেফা ফাউণ্ডেশ্যন নামৰ দিল্লীৰ এক বে-চৰকাৰী সংগঠনৰ হৈ মহা প্ৰৱন্ধক চেইখ ৰাইছা তাবাচ্চম আৰু অতিৰিক্ত মহা প্ৰৱন্ধক বিষ্ণুপৰ্ণা দত্তই নেতৃত্ব গ্ৰহণ কৰি শাৰীৰিক দূৰত্ব ৰক্ষা আৰু হস্ত প্ৰক্ষালনৰ অনুশীলনেৰে পূৰ্ব পৰিকল্পিত ভাৱে সমবেত ৰাইজক এই সাহাৰ্য্য প্ৰদান কৰা হয় । শিক্ষক ব্ৰজবল্লভ দত্তই আঁত ধৰি আগুৱাই নিয়া নাতি-দৈৰ্ঘ্য কাৰ্য্যসূচীত শিক্ষক গোপাল বৰুৱা, সংবাদ-কৰ্মী ভাস্কৰজ্যোতি বৰগোহাঁই, কাউন্সিলৰ ৰুবুল আলী, গাওঁ বুঢ়া বিজয় বৰুৱা, জুনমণি গগৈ আৰু বিদ্যালয়ৰ প্ৰধান শিক্ষয়িত্ৰী হামিদা ৰহমান উপস্থিত থাকে । উল্লেখযোগ্য যে দিল্লী বিশ্ববিদ্যালয়ৰ দুই ছাত্ৰীৰ নেতৃত্বৰ এল জেফা ফাউনণ্ডেশ্বনে ভাৰতৰ বিশখন মহানগৰত জাতি-সংঘৰ নিৰ্ণিত উন্নয়নৰ লক্ষ্যত কাম কৰি আহিছে । ফুলপানী বৰুৱা ৰংগমঞ্চতো নিৰ্দিষ্ট একাংশ লোকে সাহাৰ্য্য সামগ্ৰী গ্ৰহণ কৰে।