নাজিৰা
শিৱসাগৰ জিলাৰ নাজিৰা মহকুমাৰ নামতি অঞ্চলৰ একমাত্ৰ উচ্চ শিক্ষানুষ্ঠান ছহিদ পিয়লি ফুকন মহাবিদ্যালয়ৰ ২০২০-২১ শৈক্ষিক বৰ্ষত উচ্চতৰ মাধ্যমিক চূড়ান্ত বৰ্ষলৈ উত্তীৰ্ণ হোৱা শিক্ষাৰ্থীসকলক বিনামূলীয়া পাঠ্যপুথিৰ বিতৰণ কৰা হ’ব৷ মহাবিদ্যালয়খনৰ অধ্যক্ষ ড° ধ্ৰুৱজ্যোতি নাথে কাকতলৈ প্ৰেৰণ কৰা এক প্ৰেছ বিবৃতি উল্লেখ কৰা মতে, মহাবিদ্যালয়ৰ প্ৰাঙ্গনত অহা ২৬ মে’ৰ পৰা ২৮ মে’লৈকে (পুৱা ১০ বজাৰ পৰা ১২ বজালৈ আৰু দিনৰ ১২ বজাৰ ২ বজালৈ) দুটা ভাগত বিভক্ত কৰি তিনিদিনীয়া কাৰ্যসূচীৰে বিতৰণ হ’ব লগীয়া বিনামূলীয়া পাঠ্যপুথিসমূহ উচ্চতৰ মাধ্যমিক প্ৰথম বৰ্ষৰ ক্ৰমিক নং অনুসৰি বিতৰণ কৰিব৷ সেয়ে ছাত্ৰ-ছাত্ৰীসকলে ২৬ মে’ত ক্ৰমিক নং ১ৰ ৮০ লৈ, ২৭ মে’ত ক্ৰমিক নং ৮১ৰ পৰা ১৬০ লৈ আৰু ২৮ মে’ত ক্ৰমিক নং ১৬১ৰ পৰা ২৪০ লৈ বৰ্তমান সময়ৰ কৰ’না ভাইৰাছৰ ভয়াবহতাৰ প্ৰতি লক্ষ্য ৰাখি নিৰ্দিষ্ট সময়ত মাস্ক পৰিধান কৰাৰ লগতে সামাজিক দূৰত্ব বজাই ৰাখি পাঠ্যপুথি সমূহ সংগ্ৰহ কৰিব পাৰিব৷ তদুপৰি, অধ্যক্ষ গৰাকীয়ে ছাত্ৰ-ছাত্ৰীসকলক উচ্চতৰ মাধ্যমিক প্ৰথম বৰ্ষৰ বিনামূলীয়া নাম ভৰ্ত্তিৰ ৰচিদখন লগত লৈ অনাটো বাধ্যতামূলক বুলিও প্ৰেছ বিবৃতি উল্লেখ কৰিছে৷