কামৰূপ মহানগৰ জিলা প্ৰশাসনৰ উদ্যোগত মধ্য গুৱাহাটী উন্নয়ন সমিতিৰ সহযোগত সামগ্ৰী বিতৰণ ৷

দৈনন্দিন বাৰ্তা ডেস্ক :

বিশ্বসন্ত্ৰাস সৃষ্টিকাৰী কৰোনা ভাইৰাছৰ পৰা পৰিত্ৰাণ পাবলৈ বিগত তিনি সপ্তাহ ধৰি একেৰাহে গুৱাহাটী মহানগৰীত প্ৰযোজ্য হৈ আছে লকডাউন ৷ যাৰ ফলস্বৰূপে এচাম শ্ৰমজীৱী মানুহে আৰ্থিক সমস্যাৰ সন্মুখীন হৈছে ৷ একাংশ দৰিদ্ৰ পৰিয়ালে খাদ্য সামগ্ৰীৰ বাবে হাহাকাৰ কৰিবলগীয়া হৈছে ৷ সেইবাবেই মহানগৰীৰ বিভিন্ন অঞ্চলত কামৰূপ মহানগৰ জিলা প্ৰশাসনৰ তৰফৰ পৰা দৰিদ্ৰ পৰিয়ালৰ মাজত সামগ্ৰী যোগান ধৰে ৷ আজি কামৰূপ জিলা প্ৰশাসনৰ উদ্যোগত আৰু মধ্য গুৱাহাটী উন্নয়ন সমিতিৰ সহযোগত ৰূপনগৰ, জনকপুৰ, বিৰুবাৰী’ চোলাপাৰ, অঞ্চলত প্ৰায় ছয় শতাধিক পৰিয়ালৰ মাজত সামগ্ৰী বিতৰণ কৰা হয় ৷ মধ্য গুৱাহাটী উন্নয়ন সমিতিৰ সাধাৰণ সম্পাদক ৰাজীব দাস, কাৰ্য্যকৰী সভাপতি দেৱশিষ সেনগুপ্ত, যুৱ ব্যৱসায়ী বিজয় ৰাজবংশীৰ উপস্থিতিত চাউল, দাইল, মিঠাতেল, নিমখৰ লগতে অন্যান্য সামগ্ৰী বিতৰণ কৰে ৷ এই ক্ষেত্ৰত কামৰূপ মহানগৰ জিলা প্ৰশাসনৰ অতিৰিক্ত উপায়ুক্ত ৰাতুল পাঠকে বিশেষ সহযোগিতা আগবঢ়ায় ৷