সাংবাদিকক লংকা মণ্ডল যুৱ মৰ্চাৰ মাস্ক, ছেনিটাইজাৰ বিতৰণ
লংকা
সমগ্ৰ অসমতে ক’ৰোনাই মহামাৰী ৰূপ ধাৰণ কৰা সময়তে জৰুৰীকালীন সেৱাত ব্ৰতী থকা আৰক্ষী প্ৰশাসন, চিকিৎসক, সংবাদকৰ্মী লোকসকলে দিনেই নিশাই একাকাৰ কৰি ৰাইজক সেৱা কৰি আছে।এনে এক সময়ত গোটেই দিনটো সংবাদ সংগ্ৰহত ব্যস্ত সাংবাদিকসকলে আগন্তুক দিনসমূহত দুগুণ উৎসাহেৰে প্ৰেৰণা যোগোৱাৰ উদ্দেশ্যেৰে আজি লংকা বিজেপি মণ্ডলে লংকাৰ সকলো সাংবাদিকক একোখন কৈ ফুলাম গামোচাৰে সম্বৰ্ধনা জনোৱাৰ লগতে মাস্ক আৰু ছেনিটাইজাৰ বিতৰণ কৰে। উক্ত সম্বৰ্ধনা অনুষ্ঠানত উপস্থিত থাকে হোজাই জিলা বিজেপিৰ সভাপতি অনুপ দেৱ, জিলা যুৱ মৰ্চাৰ সভাপতি বিনয় কলিতা, লংকা মণ্ডলৰ সভাপতি পাপ্পু দে, লংকা মণ্ডল যুৱ মৰ্চাৰ সভাপতি খুকন শীলকে ধৰি বহু কাৰ্যকৰ্তা। সভাপতি অনুপ দেৱে সাংবাদিকসকলে এনে জটিল সময়ত নিষ্ঠা আৰু দুগুণ কর্ম উদ্যোমেৰে আগবাঢ়ি যোৱাৰ বাবে ধন্যবাদ জ্ঞাপন কৰাৰ লগতে আগন্তক দিনবোৰতো নিঃস্বাৰ্থভাৱে সেৱা আগবঢ়াই যাবলৈ আহবান জনায়৷