গহপুৰৰ তিনি গৰাকী সাংবাদিকক জনসংযোগৰ স্বীকৃতি পত্ৰ বিতৰণ ।
অসম চৰকাৰৰ জনসংযোগ বিভাগৰ দ্বাৰা স্বীকৃতি লাভ কৰা বিশ্বনাথ জিলাৰ ১৩ গৰাকীকৈ সাংবাদিকক কালি বিশ্বনাথ জিলা উপায়ুক্ত কাৰ্যালয়ত স্বীকৃতি পত্ৰ প্ৰদান কৰে। বিশ্বনাথ জিলা উপায়ুক্ত কাৰ্যালয়ত উপায়ুক্ত ধ্ৰুৱজ্যোতি দাসৰ সভাপতিত্বত কালি বিয়লি ৩ বজাত অনুষ্ঠিত হোৱা এখনি সভাত গহপুৰৰ তিনিগৰাকীকৈ সাংবাদিকৰ লগতে বিশ্বনাথ জিলাৰ মুঠ ১৩ গৰাকীকৈ সাংবাদিকক অসম চৰকাৰৰ জনসংযোগ বিভাগৰ স্বীকৃতি পত্ৰ প্ৰদান কৰা হয়। বিশ্বনাথ জিলাৰ আৰক্ষী অধীক্ষক ৰাজেন সিং, জনসংযোগ বিষয়া ত্ৰিলীনা টাইড, ৰঞ্জিত শইকীয়া আৰু সদস্য হেমন্ত শইকীয়াৰ উপস্থিতিত প্ৰাগ নিউজৰ সাংবাদিক ৰাজীৱ বৰা, পূৰ্বাঞ্চল প্ৰহৰীৰ সাংবাদিক অমৰ শৰ্মা আৰু অসমীয়া খবৰ কাকতৰ সাংবাদিক ৰমেন বৰাক স্বীকৃতি পত্ৰ প্ৰদান কৰে।