Breaking

মৌলানা মুফতি খাইৰুল ইছলামৰ জানাজাত লক্ষাধিক লোকৰ সমগমক লৈ চিন্তিত জিলা প্ৰশাসন । গনসংক্ৰমণৰ আশংকাত শংকিত ৰাইজ ।

0 862

নগাঁও : ইছলাম ধৰ্মৰ জনপ্ৰিয় ধৰ্মগুৰু, উত্তৰ পূৱ ভাৰতৰ আমীৰে শ্বৰীয়ত  মৌলানা মুফতি খাইৰুল ইছলামৰ  জানাজাত শেষ শ্ৰদ্ধাঞ্জলি জনাবলৈ যোৱা গুণমুগ্ধৰ জনসমাগমে চিন্তিত কৰি তুলিছে জিলা প্ৰশাসনৰ লগতে নগঁঞা ৰাইজক। সমগ্ৰ ভাৰতবৰ্ষৰে প্ৰখ্যাত ধৰ্মীয় নেতা গৰাকীৰ বিয়োগত শোকস্তব্ধ হৈ পৰিছিল ইছলাম ধৰ্মালম্বী ৰাইজ। সেয়ে কালি বিয়লি  জনপ্ৰিয় ধৰ্মীয় নেতাগৰাকীৰ জানাজাত ভাগ ল’বলৈ অসমৰ বিভিন্ন প্ৰান্তৰ পৰা নগাঁৱৰ জুৰীয়ালৈ ব্যাপক জনস্ৰোতৰ সৃষ্টি হয় । এ আই ইউ ডি এফৰ ধিং সমষ্টিৰ বিধায়ক আমিনুল ইছলামৰ পিতৃ মৌলানা মুফতি খাইৰুল ইছলামক শেষ শ্ৰদ্ধাঞ্জলি জনাবলৈ যোৱা গুণমুগ্ধৰ জনসমাগমৰ ভিডিঅ’ সামাজিক মাধ্যমত বিয়পি পৰাৰ পিছতে চিন্তিত হৈ পৰিছে জিলা প্ৰশাসন। জানিব পৰা মতে,  কৰ’না ভাইৰাছৰ সংক্ৰমণৰ প্ৰতি লক্ষ্য ৰাখি জনপ্ৰিয় ধৰ্মীয় নেতাগৰাকীৰ জানাজাত  সামাজিক ব্যৱধানৰ দিশটোৰ ওপৰত গুৰুত্ব আৰোপ কৰি জনপ্ৰিয় ধৰ্মীয় নেতাগৰাকীৰ জানাজাত অংশ লবলৈ ৰাইজক জিলা প্ৰশাসনে আহ্বান জনাইছিল । জিলা প্ৰশাসনৰ এনে আহ্বানৰ বিপৰীতে জনপ্ৰিয় ধৰ্মীয় নেতা গৰাকীৰ জানাজাত বহুকেইগৰাকী হাইপ্ৰফাইল ৰাজনৈতিক নেতাৰ উপৰি হেজাৰ হেজাৰ লোকে অংশগ্ৰহণ কৰিছিল। জনপ্ৰিয় ধৰ্মীয় নেতা গৰাকীৰ বিয়োগত সকলো শোকস্তব্ধ হৈ পৰে যদিও লক্ষাধিক লোকে তেওঁৰ জানাজত অংশগ্ৰহণ কৰাৰ বিষয়টোৱে জিলাখনৰ ৰাইজক  শংকিত কৰি তোলে। উল্লেখ্য নগাঁৱত  ভ্ৰমণ বৃত্তান্ত নথকা ভালেকেইজন লোক কোভিড-১৯ ত ইতিমধ্যে আক্ৰান্ত হয়  । তেনেস্থলত ধৰ্মীয় নেতাগৰাকীৰ জানাজাত লক্ষাধিক লোকৰ সমাগমে কৰ’না ভাইৰাছৰ গনসংক্ৰমণৰ কাৰক হৈ পৰিব পাৰে বুলি বহুতেই শংকা প্ৰকাশ কৰে ।

Leave A Reply