ক’ৰোনত আক্ৰান্ত বিশ্বৰ শীৰ্ষ টেনিছ তাৰকা জকোভিছ ।

দৈনন্দিন বাৰ্তাৰ ডেস্ক: মহামাৰী ক’ৰোনা ভাইৰাছে আশ্ৰয় ল’লে বিশ্বৰ শীৰ্ষ টেনিছ তাৰকা ন’ভাক জকোভিছৰ শৰীৰত৷ এই ছাৰ্বিয়ান তাৰকাজনৰ পৰীক্ষাত পজিটিভ ওলোৱাত এই কথা নিশ্চিত হয়৷ আজি জকোভিছে জনায় যে বেলগ্রেড পাওতে তেওঁ ক’ৰোনা পৰীক্ষা কৰায়৷ তেতিয়া তেওঁ আৰু তেওঁৰ পত্নী জেলেনাৰ ৰিপৰ্ট পটিজিভ আহে৷ আনহাতে তেওঁৰ সন্তানৰ শৰীৰত ক’ৰোনাৰ জীৱাণু পোৱা নাই বুলি তেওঁ জনায়৷ ফলত ১৪ দিন ছেলফ আইচ’লেছনত থাকিব তাৰকাজন৷ আনহাতে ৫ দিনৰ পাছত পুনৰ পৰীক্ষা কৰাব৷ উল্লেখ্য যে এই টেনিছ তাৰকাজনে সামাজিক দূৰত্ব বিধি মানি নচলাৰ কথা জানিব পৰা গৈছে৷ খেলৰ শেষত তেওঁ কৰমৰ্দনো কৰিছে৷ প্ৰকৃততে ক’ৰোনাক অংগুষ্ঠ প্ৰদৰ্শন কৰিছিল বুলি জানিব পৰা গৈছে৷ ছাৰ্বিয়াৰ আন এগৰাকী টেনিছ তাৰকা ট্রোইকিও ক’ৰোনা পজিটিভ বুলি প্ৰকাশ ৷