শুই থকাৰ সময়ত কোমল গাৰু ব্যৱহাৰ কৰাটো ভাল, কিন্তু যদি আপুনি এটাতকৈ অধিক গাৰু, কঠিন গাৰু বা উচ্চ গাৰু লৈ শুৱে তেন্তে ইয়াৰ ফলত বহুতো স্বাস্থ্যজনিত সমস্যাৰ সৃষ্টি হ’ব পাৰে। চিকিৎসকে সদায় আৰামদায়ক গাৰুত শুবলৈ পৰামৰ্শ দিয়ে। যাতে শুই থকাৰ সময়ত শৰীৰৰ কোনো ক্ষতি নহয় আৰু আপুনি ভালদৰে টোপনি যাব পাৰে। কিন্তু কিছুমান মানুহৰ একাধিক গাৰু বা ওখ গাৰু লৈ শুই থকাৰ অভ্যাস আছে। অৱশ্যে হয়তো তেওঁলোকে নাজানে যে ইয়াৰ গুৰুতৰ অসুবিধাৰ কথা।
ইয়াৰ ফলত বহু ধৰণৰ স্বাস্থ্যজনিত সমস্যাৰ সৃষ্টি হ’ব পাৰে। আচলতে ওখ গাৰু লৈ শোৱাৰ অৰ্থ হ’ল আপুনি ৰোগক আমন্ত্ৰণ জনাইছে (High Rise Pillow Side Effects)। ইয়াৰ ফলত ডিঙিৰ ক্ষতি হব পাৰে। এনে পৰিস্থিতিত জানক যে অত্যধিক গাৰু লৈ শুলে কি ক্ষতি হ’ব পাৰে…
বেছি ওখ বা টান গাৰু লৈ শুলে সাৱধান হওক, কাৰণ ইয়াৰ ফলত কান্ধ আৰু ডিঙিৰ পেশীত হেঁচা পৰিব পাৰে। যাৰ বাবে ডিঙিত বিষ আৰু জঠৰতাৰ দৰে সমস্যা হ’ব পাৰে। ইয়াৰ বাবে মূৰৰ পিছফাল আৰু পিঠিতো সমস্যা অনুভৱ কৰিব পাৰে। সেয়েহে এই কাম কৰাটো এৰাই চলিব লাগে।
গাৰু ওপৰলৈ তুলি শুই থাকিলে মেৰুদণ্ডৰ সমস্যা হ’ব পাৰে। আচলতে আমি যেতিয়া বেছি গাৰু লৈ শুওঁ তেতিয়া শৰীৰৰ ভংগীমা বিঘ্নিত হয়। ইয়াৰ ফলত মেৰুদণ্ডৰ ক্ষতি হ’ব পাৰে, লগতে আন বহুতো স্বাস্থ্যজনিত সমস্যাৰ সম্ভাৱনাও আছে। যদি এনেকুৱা হয় তেন্তে আপুনি বিপদত পৰিব পাৰে।
বেছিকৈ বা ওখ গাৰু লৈ শুলেও আপোনাৰ সৌন্দৰ্য্যক কলংকিত কৰিব পাৰে। ইয়াৰ ফলত ছালত পিম্পল আৰু বলিৰেখা হ’ব পাৰে। আপোনাৰ মুখৰ সৌন্দৰ্য্যও নষ্ট হ’ব পাৰে।
গাৰু বেছি ওখকৈ ৰাখিলে মূৰৰ বিষৰ সমস্যা হ’ব পাৰে। উচ্চ বা দুগুণ গাৰু ব্যৱহাৰ কৰা লোকসকল প্ৰায়ে মূৰৰ বিষত ভুগি থাকে।