গামোচাক লৈ ৰাজনীতি নকৰিব

গামোচাখনক লৈ ৰাজনীতি নকৰিব এই গামোচা প্ৰতিজন অসমীয়াৰ স্বাভিমান। গামোচাখনত প্ৰতিজন অসমীয়াৰে সমান অধিকাৰ আছে হয়তো সেইজন ব্যক্তি হিন্দুৱে হওঁক নতুবা মুছলমান হওঁক। মই যিমান দূৰ জানো মুছলমান লোকসকলে গামোচাখন নামাজ কৰোতে লয় আৰু আমি হিন্দুসকলে শাস্ত্ৰপাঠ কৰোতে ব্যৱহাৰ কৰা হয়। এই ক্ষেত্ৰত গামোচাখনক অপমান কৰা নুবুজাই। নামাজ পঢ়াৰ সময়ত ব্যৱহাৰ হোৱা বাবে “জাইনামাজ” বুলি কোৱা হয়। প্ৰতিজন মুছলমান ব্যক্তিৰবাবে “জাইনামাজ” যথেষ্ট গুৰুত্বপূৰ্ণ হয়। মুছলমান লোকসকলে ইয়াক পবিত্ৰ হিচাপে মানি আহিছে। এনেকুৱা কথাবোৰক লৈ একাংশই সাম্প্ৰদায়িকতাৰ বীজ ছটিয়াব ধৰিছে। গতিকে ইয়াক লৈ বিতৰ্ক হ’ব নালাগে। এচামে ৰাজনৈতিক স্বাৰ্থৰ বাবে সাম্প্ৰদায়িকতাৰ বিষ বিয়পাই আমাৰ সমাজৰ একতা নষ্ট কৰিবলৈ বহু চেষ্টা কৰি আছে। আমি প্ৰতিজন অসমীয়া সচেতন হ’ব লাগে। সাম্প্ৰদায়িকতাৰ পৰা আঁতৰত থাকি আমাৰ ভাতৃত্ববোধৰ একতাৰ এনাজৰীডাল নিকপকপীয়াকৈ ৰাখিব লাগে, যিহেতু আমাৰ পৰিচয় আমি অসমীয়া।