২০২১ৰ বিধানসভা নিৰ্বাচনত কলাইগাঁৱৰ পৰা অৱতীৰ্ণ হ’বলৈ সাজু অৱসৰী অভিযন্তা দুলাল কুমাৰ বৰুৱা । দুনীতি-ভ্ৰষ্টাচাৰৰ বিৰুদ্ধে গঢ়ি তুলিব সংগ্ৰাম ।

টংলা : ৰাজ্যজুৰি অব্যাহত থকা কৰোণা ভাইৰাছৰ যুজঁখনত চৰকাৰখনে নিৰন্তৰভাৱে লাগি থকাৰ সময়তে ২০২১ৰ অসম বিধান সভা নিৰ্বাচনৰ বাবে কলাইগাওঁ বিধানসভা সমষ্টিৰ পৰা এগৰাকী অৱসৰী অভিযন্তা সাজু হৈ উঠিছে। ওদালগুৰি জিলাৰ কলাইগাঁও বিধানসভা সভা সমষ্টিৰ ঝাৰগাঁৱৰ অৱসৰী অভিযন্তা দুলাল কুমাৰ বৰুৱা ২০২১ৰ নিবাচনক লৈ সম্পূৰ্ণ সাজু হৈ উঠিছে। ১৯৮২ চনত এনএফ ৰেলৱেত জ্যেষ্ঠ শাখা অভিযন্তা বিজুলী বিভাগৰ চাকৰিত যোগদান কৰি ২০১৩ চনত স্বেচ্ছাই অৱসৰগ্ৰ্হণ কৰি অহা বৰুৱা সৰুৰে পৰাই বিভিন্ন সামাজিক জীৱনৰ সৈতে জড়িত হৈ আহিছে। ২০০৯ চনত সম্পূৰ্ণ ব্যক্তিগত প্ৰচেষ্টাত আৰু নিজা খৰচৰে কলাগুৰু জাতীয় বিদ্যালয় ঝাৰগাওঁ নামেৰে এখন ব্যক্তিগত খণ্ডৰ বিদ্যালয় প্ৰতিষ্ঠা কৰাৰ লগতে ঝাৰগাঁও অঞ্চলৰ সামাজিক অ-ৰাজনৈতিক অনুষ্ঠান ঝাৰগাঁও আঞ্চলিক প্ৰগতি সংঘ, নেহেৰু জ্যোতি সংঘ-বাহমোল্লা, প্ৰগতি সংঘ নিজ সৰাবাৰী আদি বিভিন্ন সামাজিক অনুষ্ঠানৰ সৈতে জড়িত হৈ আহিছে। ১৯৮৯ চনৰ পৰা অসমৰ সৰ্ববৃহৎ সামাজিক সাংস্কৃতিক আৰু অৰাজনৈতিক অনুষ্ঠান শংকৰদেৱ সংঘৰ সংগীভুক্ত হৈ চাৰি বছৰ কাল মূলৰ প্ৰচাৰ সদস্য হিচাপে সুচাৰুৰূপে দায়িত্ব পালন কৰি আহিছে। বৰুৱাই সদৌ ভাৰত কনস্টাকছন কেজুৱেল লেবাৰ এছচিএচনৰ তেজপুৰ সংমণ্ডলৰ সম্পাদক হিচাপে নিৰ্বাচিত হৈ সুচাৰূভাৱে দায়িত্ব সম্পাদনা কৰিছিল। এগৰাকী ক্ৰিয়া সংগঠক ৰূপে পৰিচিত বৰুৱা এটা ফুটবল দল গঠন কৰি পাঁচ বছৰ নিজে পৰিচালনা কৰিছিল। বৰুৱাই ৩০-৪০ গৰাকী মেধাৱী ল’ৰা-ছোৱালীক উচ্চ শিক্ষাত নামভৰ্তি কৰি নিজা প্ৰচেষ্টাৰে জিলাখনত উচ্চ পদস্ত বিষয়া বনাবলৈ চেষ্টা কৰি থকাৰ কথাও চিন্তা কৰি আহিছে। বিটিচিত চলি থকা বৈষম্য স্বজন-তোষন দুনীতি-ভ্ৰষ্টাচাৰ নিৰ্মূলৰ হকে যুজঁ দিয়াৰ বাবে আৰু স্বচ্ছতা-সততা ন্যায়ৰ হকে সজাগ কৰাৰ বাবে সজাগতাৰ সৃষ্টি কৰিব বুলি জানিব দিয়ে বৰুৱাই।