দুৰ্গাপূজা সন্দৰ্ভত মহানগৰ প্ৰশাসনৰ নতুন নীতি-নিৰ্দেশনা

ডিজিটেল ডেস্কঃ দুৰ্গাপূজা সন্দৰ্ভত গুৱাহাটী মহানগৰ প্ৰশাসনে জাৰি কৰিছে কেতবোৰ নতুন নীতি-নিৰ্দেশনা৷ বিগত বৰ্ষ সমূহৰ দৰে এইবাৰ দুৰ্গা পূজাৰ আয়োজন কৰিব নোৱাৰিব৷ পূজা পাতিবলৈ ল’ব লাগিব প্ৰশাসনৰ অনুমতি৷ স্থানীয় থানাৰ অ’চিৰ জৰিয়তে ল’ব লাগিব আৰক্ষী আয়ুক্তৰ অনুমতি। দূৰ্গা পূজাৰ বাবে কেৱল অস্থায়ী পেণ্ডেল নিৰ্মাণ কৰিব পাৰিব পূজা কমিটীসমূহে। এইবাৰ মূল পথৰ ওপৰত কোনেও পেণ্ডেলষ বনাব নোৱাৰিব৷ পূজাৰ পেণ্ডেলৰ ভিতৰত অতি কমেও এক মিটাৰৰ দূৰত্ব বজাই ৰাখিব লাগিব৷ একে সময়তে পূজাৰ পেণ্ডেলত ৩০ জনতকৈ অধিক লোক প্ৰৱেশ কৰিব নোৱাৰিব।