যদিও কাণৰ বিষ বৰ গুৰুতৰ ৰোগ নহয়, তথাপিও এই বিষ যথেষ্ট কষ্টদায়ক, এনে পৰিস্থিতিত এই সমস্যাৰ পৰা নিজকে ৰক্ষা কৰা আৰু বিষ বাঢ়িলে প্ৰয়োজনীয় ঘৰুৱা প্ৰতিকাৰ গ্ৰহণ কৰাটো আটাইতকৈ গুৰুত্বপূৰ্ণ। সাধাৰণতে ঠাণ্ডা বা কোনো সংক্ৰমণৰ বাবে কাণৰ বিষ হয়, এনে পৰিস্থিতিত অতি সোনকালে বিশেষজ্ঞ চিকিৎসকৰ পৰামৰ্শ লোৱাটো গুৰুত্বপূৰ্ণ, কিন্তু ওচৰত চিকিৎসক নাথাকিলে ঘৰতে কিছু ব্যৱস্থা গ্ৰহণ কৰিব পাৰি।
কাণৰ বিষৰ প্ৰকৃত কাৰণ হৈছে-
-চৰ্দি আৰু কাহ দীৰ্ঘদিন ধৰি থাকিলে কাণৰ বিষ হব পাৰে।
-সাঁতোৰ বা গা ধোৱাৰ বাবে কাণত পানী সোমাই যায় যাৰ ফলত বিষ হয়।
-মাজে মাজে কাণ পৰিষ্কাৰ কৰাটো জৰুৰী, নহ’লে বেছি হ’লে বিষ হয়।
-শিশুৰ কাণৰ বিষৰ সাধাৰণ কাৰণ হ’ল অটিটিছ মিডিয়া, যিটো সংক্ৰমণৰ ফলত হয়।
-দাঁতত বেক্টেৰিয়াৰ সংক্ৰমণ হ’লেও কাণৰ বিষ হ’ব পাৰে।
-কাণত পিম্পল থাকিলে বিষ হব পাৰে।
-বিমান অৱতৰণ বা উৰণৰ সময়ত বায়ুমণ্ডলৰ চাপৰ পৰিৱৰ্তনৰ বাবেও কাণৰ বিষ হয়।
-চাইনাছৰ সংক্ৰমণৰ বাবেও কাণৰ বিষৰ সমস্যাৰ সৃষ্টি হয়।
কাণৰ বিষ ৰোধ কৰিবলৈ টিপচ্-
-কাণৰ বিষৰ পৰা হাত সাৰিবলৈ ঠাণ্ডা বস্তুৰ পৰা আঁতৰি থাকিব লাগে।
-গা ধোৱাৰ সময়ত সাৱধান হওক আৰু কাণত পানী সোমাবলৈ নিদিব।
-জোৰকৈ গান বা অন্যান্য শব্দ শুনা পৰিহাৰ কৰক।
-জাংক ফুড খোৱাৰ অভ্যাস এৰি দিয়া ভাল।
-কোনো বিপদজনক বস্তুৰে কাণ পৰিষ্কাৰ কৰিবলৈ চেষ্টা নকৰিব।
কাণৰ বিষৰ ঘৰুৱা উপায় কেনেকৈ কৰিব-
সৰিয়হৰ তেলত ২-২ টা মিহিকৈ কটা নহৰু গৰম কৰি তাৰ পিছত ঠাণ্ডা হোৱাৰ পিছত পিছত ২ৰ পৰা ৩ টোপাল কাণত দিলে সকাহ পাব।
এচামুচ পিঁয়াজৰ ৰস লাহে লাহে গৰম কৰি ২ৰ পৰা ৩ টোপাল কাণত দিব, ইয়াৰ দ্বাৰা সকাহ পাব। এই পদ্ধতি দিনে ৩ বাৰ পুনৰাবৃত্তি কৰক।
তুলসী পাতৰ সতেজ ৰস কাণত দিলে কাণৰ বিষ ১-২ দিনৰ ভিতৰত নাইকিয়া হয়।
নিম পাতৰ ৰস উলিয়াই ২ৰ পৰা ৩ টোপাল কাণত দিব, ইয়াৰ ফলত কাণৰ বিষ আৰু সংক্ৰমণৰ পৰা উপশম পাব।
আদাৰ ৰস উলিয়াই ২ৰ পৰা ৩ টোপাল কাণত দিব। ইয়াৰ বাহিৰেও আদা পিহি অলিভ অইলৰ লগত মিহলাই ফিল্টাৰ কৰি ২-৩ টোপাল কাণত দিব।