নাজিৰাত সুৰাৰ ঘাটি উচ্ছেদ

নাজিৰা : নাজিৰা মহকুমাৰ ভাৰপ্ৰাপ্ত আবকাৰী অধীক্ষক আশুতোষ বৰুৱাৰ নেতৃত্বত আবকাৰী বিভাগৰ এটা দলে ৭ অক্টোবৰত নাজিৰা মহকুমাৰ বিভিন্ন অঞ্চলত এক আবকাৰী অভিযান চলায়। আবকাৰী বিভাগৰ দলটোৱে নাজিৰা মহকুমাৰ হাতীমূৰীয়া গাওঁ, লক্ষ্মীজান চাহ বাগিচা, তামুলীচিগা, আঠপুৰীয়া, হাৰকিনা, ৰেবতী কপহুৱা গাওঁ, শিমলুগুৰি সাতিমূৰিয়া গাওঁ আদিত আবকাৰী অভিযান চলাই ১০ টা গোচৰ ৰুজু কৰাৰ লগতে ৩জনক গ্ৰেপ্তাৰ কৰে। অভিযানকাৰী আবকাৰী দলটোৱে কেইবাটাও সুৰাৰ ঘাটি উচ্ছেদ কৰাৰ লগতে চুলাই প্ৰস্তুত কৰা পাছ ১২০ লিটাৰ, সঁজুলি ৩ টা, বিলাতী সুৰা আৰু বিয়েৰ ৪.৪ লিটাৰ, দেশীয় সুৰা ২.৪ লিটাৰ, ৪০ লিটাৰ চুলাই মদ, ১২০ লিটাৰ লাওপানী জব্দ কৰাৰ লগতে বহুকেইটা অবধ্য সুৰাৰ ঘাটি ভাঙি ধ্বংস কৰে।