লামডিঙত বিদ্যালয় মাচুল প্ৰদান কৰাক লৈ উত্তেজনাময় পৰিৱেশ : ডন বছক’ বিদ্যালয়ৰ কৰ্তৃপক্ষই লকডাউনৰ সময়চোৱাত মাচুল জমা দিবলৈ হেঁচা অভিভাৱকক

0 33

লংকা

লামডিঙত শনিবাৰে ডন বছক’ বিদ্যালয়ত সংঘটিত হৈছে উত্তেজনাময় পৰিবেশ৷ লকডাউনৰ সময়চোৱাত ৰাজ্য চৰকাৰে ব্যক্তিগত বিদ্যালয় সমূহক মাচুলৰ ক্ষেত্ৰত ৫০ শতাংশ ৰেহাই দিয়াৰ বাবে নিৰ্দেশ দিছিল যদিও চৰকাৰী নিৰ্দেশনাক কেৰেপ নকৰাৰ গুৰুত্ব অভিযোগ উঠিছে বিদ্যালয়খনৰ বিৰুদ্ধে৷ অভিযোগ অনুসৰি লকডাউনৰ সময়ত বিদ্যালয়খনৰ বাছ চলাচল বন্ধ থকাৰ পাছতে বিদ্যালয়ৰ কৰ্তৃপক্ষই বাছৰ বাবদ অভিভাৱকৰ পৰা সম্পূৰ্ণ বাছৰ বাছৰ মাচুল আৰু বিদ্যালয় মাচুল দাবী কৰে৷ এপ্ৰিল-মে’-জুন মাহৰ সম্পূৰ্ণ মাচুল দাবী কৰাক লৈ শতাধিক অভিভাৱকে বিদ্যালয়খনৰ চৌহদ ঘেৰাও কৰি উত্তেজনাময় পৰিবেশ সৃষ্টি কৰে৷ আনফালে শিক্ষাৰ্থীসকলক মোবাইলৰ হোৱাটআপ জড়িতে অনলাইন ক্লাছ ব্যৱস্থা কৰিছে যদি ইয়াতো ব্যাপক খেলিমেলি হৈছে বুলিও অভিযোগ কৰিছে অভিভাৱকে৷ ঘটনাস্থলীত বিদ্যালয়খনত লামডিং শাখাৰ অখিল ভাৰতীয় বিদ্যাৰ্থী পৰিষদ উপস্থিত হৈ চৰকাৰী নিৰ্দেশনা অনুসৰি মাচুলৰ ক্ষেত্ৰত ৫০ শতাংশ ৰেহাই দিয়াৰ লগতে অভিভাৱক তথা শিক্ষাৰ্থীক কোনো হেঁচা প্ৰয়োগ কৰিব নোৱাৰিব বুলি দাবী জনায় বিদ্যালয়ৰ কৰ্তপক্ষক এখন স্মাৰক পত্ৰ প্ৰদান কৰে ৷ লামডিঙৰ ব্যক্তিগত বিদ্যালয় ডন বছক’ৰ এনে কৰ্মকাণ্ডক শিক্ষামন্ত্ৰী হিমন্ত বিশ্ব শৰ্মাক দৃষ্টিগোচৰ কৰিবলৈ অনুৰোধ জনায় লামডিং এভিবিপিয়ে৷ এই সন্দৰ্ভত সংবাদ মাধ্যমক মন্তব্য দিয়াৰ পৰা বিৰত থাকে বিদ্যালয়খনৰ অধ্যক্ষ ফ্ৰাডাৰ থমাছ ৷