দৈনন্দিন বাৰ্তা ডেস্ক :
ভাৰতত চীনৰ ৫৯টা এপৰ ওপৰত নিষেধাজ্ঞা জাৰি কৰা হ’ল ৷ চীনা এপবোৰ বন্ধ কৰি দিয়াৰ পাছত ভাৰতত নতুনকৈ এপ তৈয়াৰ কৰা হৈছে ৷ লগতে জনসাধাৰণৰ দেশীয় পণ্য ব্যৱহাৰৰ প্ৰৱনতা বাঢ়িছে ৷ এনে পৰিস্থিতিত আত্মনির্ভৰ ভাৰত প্ৰচাৰৰ আওতাত দেশীয় ছচিয়েল মিডিয়া প্লেটফৰ্ম ‘এলিমেণ্টছ’ এপ আনিছে ভাৰতীয় প্ৰতিষ্ঠানে ৷ এণ্ড্ৰইড আৰু আইঅ’এছ উভয়তে উপলব্ধ এই এপ ৷ মুঠ আঠটা আঞ্চলিক ভাষা ব্যৱহাৰ কৰিব পাৰি ‘এলিমেণ্টছ’এপত ৷ এপৰ ভিতৰত আছে অডিঅ’, ভিডিঅ’ আৰু কনফাৰেন্স কলৰ সুবিধা ৷ এই এপ বিনামূলীয়া ৷ ফেচবুক, ৱাটছএপ, টুইটাৰৰ মাজত এই নতুন এপটোৱে জনসাধাৰণৰ মাজত কি দৰে প্ৰভাৱ বিস্তাৰ কৰে সেয়া গুৰুত্বপূৰ্ণ ৷