কৃষি বিধেয়কক লৈ মিছা প্ৰচাৰ চলিছে : প্ৰধানমন্ত্ৰী

দৈনন্দিন বাৰ্তা ডেস্ক : কৃষিক্ষেত্র সংস্কাৰৰ বিধেয়ক ‘কৃষক-বিৰোধী’ বুলি চিহ্নিত কৰি বৃহস্পতিবাৰে কেন্দ্ৰীয় মন্ত্ৰীসভাৰ পৰা পদত্যাগ কৰে শিৰোমণি আকালি দলৰ নেত্ৰী হৰচিমৰৎ কৌৰ বাদলে ৷ শুকুৰবাৰে সেই বিধেয়কৰ সমৰ্থনত প্ৰধানমন্ত্ৰী নৰেন্দ্ৰ মোডীয়ে কয়, ঐতিহাসিক এই বিধেয়ক কৃষকসকলৰ ৰক্ষাকবচ ৷ এটা শক্তিয়ে কৃষি বিধেয়কক লৈ কৃষকসকলক বিভ্রান্ত কৰিছে বুলি প্ৰধানমন্ত্ৰীয়ে অভিযোগ কৰি মত প্ৰকাশ কৰি কয়, কৃষকে যাতে ফচল ন্যুনতম সহায়ক মূল্য পাই তাক নিশ্চিত কৰাত আমাৰ চৰকাৰ দায়বদ্ধ ৷ বিহাৰৰ কোশী নদীৰ এখন দলং উদ্বোধন উপলক্ষে ভাৰ্চুৱেল সভাত মোডীয়ে কয়, নানা ভুল তথ্য আৰু পৰিসংখ্যা দি কৃষকক উচতাই দিয়াৰ চেষ্টা চলিছে ৷ কোৱা হৈছে তেওঁলোকৰ ফচলৰ উচিত দাম নাপায় ৷ কিন্তু যি এইটো কৰিছে তেওঁলোকে ভুল কৰিছে ৷ আমাৰ কৃষকসকল বহু সচেতন ৷