Breaking

দৈপামত পাৰিবাৰিক কন্দলৰ ফলত কাল ৰূপ ধাৰণ কৰাৰ আশংকা দুটা পৰিয়ালৰ মাজত

0 1,207

দলগাঁও : দৰঙ দৈপামত পাৰিবাৰিক কন্দলৰ ফলত নিদ্ৰাহৰণ হৈছে এটা পৰিয়ালৰ। দীৰ্ঘদিন ধৰি চলি থকা পাৰিবাৰিক কন্দলৰ ফলত ভয়ংকৰ অমানিশা নামি আহিব নেকি পৰিয়াল দুটাৰ মাজত। চিন্তিত অঞ্চলবাসী। জানিব পৰা মতে দৰঙ জিলাৰ দৈপাম আৰক্ষী থানাৰ অন্তৰ্গত দৈপামত দীৰ্ঘদিন ধৰি বসতি কৰি আহিছিল মিৰাজ আলী নামৰ এজন দৰিদ্ৰ পৰিয়াল। মিৰাজ আলী নামৰ ব্যক্তিজনে নিৰক্ষৰ হ’লেও নিজৰ ল’ৰা-ছোৱালীক শিক্ষিত কৰাৰ হেপাঁহ আছিল যদিও আৰ্থিকভাৱে দুৰ্বল থকাৰ বাবে প্ৰথম ল’ৰাজনক পঢ়া-শুনা কৰাই উচ্চ শিক্ষিত কৰিছিল। একমাত্ৰ দেউতাকৰ উপাৰ্জনেৰে পৰিয়াল পোহ পাল দিব নোৱাৰাৰ বাবেই আলালউদ্দিন নামৰ দ্বিতীয় সন্তানজনে দেউতাকৰ লগত কাম বন কৰি পৰিয়ালটো পোহ পাল দিয়াত সহায় কৰিবলৈ ধৰিলে। দুলাল নামৰ তৃতীয় জন সন্তানে পঢ়া শুনা আধাতে সামৰি পৰিয়ালটোক সহায় কৰাৰ উদ্দেশ্যেৰে বিদেশত কাম বিচাৰি গল। তাৎপৰ্যপূৰ্ণ কথা হল দৰিদ্ৰ পৰিয়ালটোৱে অনাহাৰে অনিদ্ৰাই কাম কৰি ডাঙৰ লৰা ইন্তাজ আলীক পঢ়া শুনা কৰাই কাল হল দৰিদ্ৰ মিৰাজ আলীৰ। ইন্তাজ আলী নামৰ শিক্ষকজনে চাকৰি পোৱাৰ পিচৰ পৰাই বৃদ্ধা পিতৃ-মাতৃক অৱহেলা কৰিবলৈ আৰম্ভ কৰিলে। আনকি বৃদ্ধা পিতৃ-মাতৃক অশ্লীল ভাষাৰে গালি গালাজ কৰাৰ লগতে মা-দেউতা বুলি মাতিবলৈ লাজ লাগে শিক্ষক ইন্তাজ আলীৰ। তাৎপৰ্যপূৰ্ণ কথা হ’ল নিজৰ পিতৃ-মাতৃক অশ্লীল ভাষা ব্যৱহাৰ কৰা শিক্ষকজনে বিদ্যালয়ৰ ছাত্র-ছাত্ৰীক কি নীতি শিক্ষা দিব তাকে লৈ সমাজত ব্যাপক চৰ্চা লাভ কৰিছে। আনহাতে দেউতাকৰ সম্পূৰ্ণ অভিযোগ খণ্ডন কৰে পুত্ৰ তথা শিক্ষক ইন্তাজ আলীয়ে।শিক্ষক ইন্তাজ আলীয়ে অভিযোগ কৰা মতে তেওঁৰ ঘৰৰ ওচৰেদি যোৱা পথটোলৈ চলি আহিছিল কাজিয়া। সেই কাজিয়াৰ সূত্ৰপাতত ৫ আগষ্টত আলাল উদ্দিন নামৰ ব্যক্তিজনে বলপূৰ্বকভাৱে শিক্ষক ইন্তাজ আলীৰ পকা দেওৱাল ভাঙি দিয়াৰ লগতে গছ-গছনি কাটি দিয়াৰ অভিযোগ উত্থাপিত হৈছে । শিক্ষকজনৰ ঘৈণীয়েকে সেই কামত বাধা দিবলৈ অহাত আলাল উদ্দিনে অশ্লীল ভাষাত গালি গালাজ পাৰে আৰু গাৰ কাপোৰ-কানি ফালি অপমানিত কৰে। ঘৈণীয়েকৰ চিঞৰ-বাখৰ শুনি শিক্ষক ইন্তাজ আলীয়ে ঘটনাস্থলীত উপস্থিত হোৱাত আলাল উদ্দিনৰ হাতত থকা চোকা অশ্ৰৰে শিক্ষক জনক প্ৰহাৰ কৰাত আহত হয় শিক্ষক জন। ঘটনা সন্দৰ্ভত শিক্ষক ইন্তাজ আলীৰ ঘৈণীয়েকে দৈপাম আৰক্ষী থানাত এখন এজাহাৰ দাখিল কৰে। আনহাতে ঘৰত কোনেও নথকাৰ সুযোগতে শিক্ষক ইন্তাজ আলীয়ে সেইদিনাই একে সময়তে আলাল উদ্দিনৰ ঘৈণীয়েকক সাৱটি ধৰি বলপূৰ্বকভাৱে ধৰ্ষণ কৰিবলৈ চেষ্টা কৰাত পত্নীৰ চিঞৰ-বাখৰ শুনি স্বামীয়ে ঘটনাস্থলীত উপস্থিত হোৱাত দুয়ো ভাই-ককাই তৰ্কা-তৰ্কিত লিপ্ত হয় বুলি দৈপাম আৰক্ষী থানাত আলাল উদ্দিনৰ ঘৈণীয়েকে এজাহাৰ দাখিল কৰে। তাৎপৰ্যপূৰ্ণ কথা হ’ল পাৰিবাৰিক কন্দলৰ ফলত একে দিনাই একে সময়তেই ধৰ্ষণ কৰা বুলি উত্থাপিত হোৱা অভিযোগ কিমান দূৰ সঁচা সেয়া আৰক্ষীৰ তদন্তত ওলাই পৰিব ঘটনাৰ আচল ৰহস্য।

Leave A Reply