সদ্য ঘোষিত হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ হোৱা জাতীয় বিদ্যালয় ইছলাম নগৰৰ কৃতী শিক্ষাৰ্থী সকলক শনিবাৰে বিদ্যালয়ৰ ন্যাসৰ ফালৰ পৰা বিপুলভাবে সম্বৰ্ধনা জনোৱা হয় ৷ জাতীয় বিদ্যালয় , ইছলাম নগৰৰ ন্যাসৰ সভাপতি ইজহাৰ আলীৰ পৌৰহিত্যত এখন সম্বৰ্ধনা সভা অনুষ্ঠিত হয় ৷ জাতীয় বিদ্যালয়ৰ প্ৰধান শিক্ষক জাকাৰীয়া আহমেদে আঁতধৰা অনুষ্ঠানত ন্যাসৰ কাৰ্যকৰী সভাপতি নজমুল হুছেইন , সদস্য আজিজুৰ ৰহমান আৰু বিদ্যালয়ৰ প্ৰাক্তন শিক্ষক কফিল উদ্দিন বৰভুঞা উপস্থিত থাকি শিক্ষাৰ্থীৰ জীৱনৰ অগ্ৰগতি সন্দৰ্ভত বক্তব্য প্ৰদান কৰে ৷ এইবাৰ বিদ্যালয়খনৰ পৰা হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ হোৱা ২৯ গৰাকী কৃতী ছাত্ৰ ছাত্ৰীক একোখনকৈ ফুলাম গামোচা , অভিধান , জাপি আদিৰে সম্বৰ্ধনা জনোৱাৰ লগতে কৃতী ছাত্ৰ ছাত্ৰীৰ অভিভাৱক আৰু তেওঁলোকৰ শিক্ষাগুৰুসকলক একোখনকৈ ফুলাম গামোচাৰে সম্বৰ্ধনা জনোৱা হয় ৷
উল্লেখ্য যে, বিদ্যালয়খনৰ পৰা এইবাৰ তিনিজন ছাত্ৰই ষ্টাৰ নম্বৰ লাভ কৰি প্ৰথম বিভাগত ১০ জন, দ্বিতীয় বিভাগত ১৫ জন আৰু তৃতীয় বিভাগত ৪ জন উত্তীৰ্ণ হৈছে ৷ মুঠ ৩০ গৰাকী শিক্ষাৰ্থীয়ে পৰীক্ষাত অৱতীৰ্ণ হৈ ২৯ গৰাকী শিক্ষাৰ্থী উত্তীৰ্ণ হৈ বিদ্যালয়খনৰ লগতে সমগ্ৰ ইছলাম নগৰ, টেংৰীপাৰ আদি অঞ্চললৈ গৌৰৱ কঢ়িয়াই আনে ৷ অনুষ্ঠানত বিদ্যালয়ৰ বহু কেই গৰাকী শিক্ষক শিক্ষয়িত্ৰীয়ে কিধৰে অধ্যয়ণ কৰিলে জীৱনত কৃতকাৰ্য্যতা লাভ কৰিব পাৰিব সেই বিষয়ে বক্তব্য প্ৰদান কৰে ৷ উল্লেখ্য যে, বিদ্যালয়খনৰ সম্বৰ্ধিত বহু কেই গৰাকী শিক্ষাৰ্থী অইন বিদ্যালয়ৰ শিক্ষাৰ্থীতকৈ পৃথক দেখা গৈছে ৷ তেওঁলোকে ভৱিষ্যতে একো একোজন আদৰ্শ শিক্ষক হোৱাৰ লগতে সমাজ সেৱা কৰাৰ সপোন বুলি সংবাদ মাধ্যমৰ আগত ব্যক্ত কৰে ৷
