লংকা বন বিভাগৰ অভিযানত উদ্ধাৰ হৰিণা মাংস সহ পাঁচটাকৈ হস্ত নিৰ্মিত বন্দুক ।
লংকাঃ
আজি লংকাৰ নখূটী বন কাৰ্য্যলয়ৰ অন্তৰ্গত চাৰ্থেগাওত উদ্ধাৰ হয় হৰিণা মাংস সহ হস্ত নিৰ্মিত পাঁচটাকৈ বন্দুক । ঘটনা সন্দৰ্ভত জানিব পৰা মতে, লংকাৰ নখুটী বন কৰ্মীৰ নিয়মীয়া তহলদাৰীত লামডিং সংৰক্ষিত বনাঞ্চলৰ সমিপৰ নখুটীৰ চাৰ্থেগাওৰ পৰা উদ্ধাৰ কৰে ২০ৰ পৰা ২৫ কেজি হৰিণৰ মাংস সহ পাঁচটা হস্ত নিৰ্মিত বন্দুক । উল্লেখ যে, তিনিজন চোৰাং চিকাৰীয়ে হৰিণাৰ মাংস কাটি থকা অৱস্থাত বন কৰ্মী লোক ঘটনাস্হলীত উপস্হিত হয় যদিও বন কৰ্মীৰ চকুত ধূলী মাৰি পলাই সাৰিবলৈ সক্ষম হয় তিনি চোৰাং চিকাৰী । পিছত লংকা আঞ্চলিক বন কৰ্মী ঘটনা স্হলীত উপস্হিত হৈ চোৰাং চিকাৰী কেইজন বিৰুদ্ধে নখুটী আৰক্ষী চকীত এজাহাৰ দিয়াৰ লগতে মাংস আৰু বন্দুক কেইটা লংকা আঞ্চলিক বন বিষয়াৰ কাৰ্য্যলয়লৈ লৈ আহে ।
