মঙলদৈ : দৰং জিলাৰ পথৰুঘাট অঞ্চলৰ আলিখাপাৰা গাঁৱৰ ননৈ নদীৰ পূব ফালৰ মথাউৰিটো নদীত থকা অতিৰিক্ত পানীৰ হেঁচাত যোৱা ১১ জুলাইত প্ৰায় ২০ ফুট মান দীঘলকৈ চিঙি যায়৷ উল্লেখযোগ্য যে আগৰ পৰা মথাউৰিৰ কিছু অংশ দুৰ্বল হৈ পৰিছিল আৰু বিভিন্ন অংশত গাঁতৰ সৃষ্টি হৈছিল৷ পানী যোৱাৰ লগে লগে পানীৰ প্ৰৱল সোঁতে আলিখাপাৰা গাঁৱৰ মানুহসকলৰ ঘৰ-দুৱাৰ মুধচ পৰ্যন্ত ডুবাই পেলায় আৰু মানুহসকলে টলকিব পৰা আগতেই ঘৰুৱা সা-সম্পত্তি, খেতি-পথাৰ ডুবাই পেলায়৷ এই পানীভাগ পিছত পাথৰিঘাটৰ দ্বিগজ নদী তথা বুঢ়া নদীত প্ৰৱেশ কৰি উভতি বৈ পাথৰিঘাট গাঁৱৰ উত্তৰ অংশত যোৱা ৩৫ বছৰ আগৰ পৰাই চিঙি থকা দ্বিগজ নৈৰ দক্ষিণ পাৰৰ ভঙা মথাউৰিৰে পানী ওলাই আহে৷ লগে লগে পথৰুঘাট গাঁও, ১৮৯৪ চনৰ শ্বহীদ সকলৰ শ্বহীদ স্তম্ভ, শ্বহিদ বাকৰি, পাৰ্ক আদিৰ লগতে নিৰনচুবা, ১নং ঘোঁৰাশাল (তুৰাই), বৰকুমাৰপাৰা, বৰ কলিয়াঝাৰ আদি গাঁও সমূহৰ ঘৰ-বাৰী বুৰাই পেলায়৷ ছিপাঝাৰ-বড়িচৌকা পকী পথচোৱাৰ প্ৰায় আধা কিলোমিটাৰ ৰাস্তাও বোৱতী পানীৰে বুৰাই পেলায়৷ দুৰ্ভাগ্যজনক ভাৱে বাসিন্দাসকলৰ মীন পালন কৰা পুখুৰী সমূহ বুৰাই পেলায়৷ এই আটাইবোৰ ক্ষতিগ্ৰস্ততাৰ বুজ ল’বলৈ আজি ৰাজা ফাউণ্ডেশ্যন, অসমৰ সম্পাদকপ্ৰধান, লেখক মুহাম্মাদ ফাৰুক আব্দুল্লাহ নূৰী, মুখপাত্ৰ আজমল হুছেইনকে ধৰি এটি সঁজাতী দলে ভঙা মথাউৰিৰ লগতে বানাক্ৰান্ত গাঁও সমূহৰ ক্ষতিগ্ৰস্ত লোকসকলৰ লগত সাক্ষাৎ কৰি মত বিনিময় কৰে৷ লগতে জানিব পাৰে যে দুৰ্গতিৰ এই সময়চোৱাত ভুক্তভোগী সকলৰ ওচৰত বিভিন্ন স্বেচ্ছাসেৱী সংগঠন উপস্থিত হৈ সাহায্য বিতৰণ কৰিছে লগতে স্থানীয় বিধায়ক বিনন্দ কুমাৰ শইকীয়াই উক্ত ঠাই পৰিভ্ৰমণ কৰি ভাঙি যোৱা মথাউৰিখণ্ড শীৰ্ঘ্ৰেই পুনৰনিৰ্মাণ কৰিবলৈ আশ্বাস দিয়ে বুলি জনা গৈছে৷ উল্লেখ্য যে ৰাজা ফাউণ্ডেশ্যন, অসমৰ চৰজমিন তদন্তৰ অন্তত পথৰুঘাটৰ ৰাইজক দীৰ্ঘদিনীয়া বান সমস্যাৰ পৰা উদ্ধাৰ কৰিবলৈ বিজ্ঞানসন্মত তথা ফলৱৰ্তী ব্যৱস্থা গ্ৰহণ কৰিবলৈ সজোৰে দাবী জনায় ৷
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- চিবিএছইৰ দ্বাদশ শ্ৰেণীৰ পৰীক্ষাৰ ফলাফল ঘোষণাঃ উত্তীৰ্ণৰ হাৰ ৮৭.৯৮ শতাংশ, ৯৯.৯১ শতাংশ উত্তীৰ্ণৰ হাৰেৰে শীৰ্ষত তিৰুৱনন্তপুৰম, গুৱাহাটীত উত্তীৰ্ণৰ হাৰ ৮২.০৫ শতাংশ…
- পদ্মশ্ৰী সন্মানেৰে বিভূষিত বীৰুবালা ৰাভাৰ বিয়োগত গভীৰ শোক প্ৰকাশ ইৰাণ ভ্ৰমণৰত কেন্দ্ৰীয় মন্ত্ৰী সৰ্বানন্দ সোণোৱালৰ…
- কচুঃ কচু হৃদযন্ত্ৰৰ বাবে অতি উপকাৰী, চুগাৰো নিয়ন্ত্ৰণত ৰাখে! জানক কচুৰ উপকাৰিতাৰ বিষয়ে…
- হনুমান চালিছাঃ হনুমান চালিছা অতি শক্তিশালী বুলি গণ্য কৰা হয়, জপ কৰিলেই সকলো বিপদ নাইকিয়া হয়…
- কৰীনা কাপুৰৰ ‘মাতৃ দিৱস’ৰ বিশেষ কেকটো কোনে মনে মনে খালে? কেক বিচাৰি হাহাকাৰ…
- আল্লু অৰ্জুন, জুনিয়ৰ এন টি আৰ; ৰাজামৌলিৰ ভোটদান। ৰাইজক আহ্বানঃ সাৱধানে ভোট দিয়ক, আগন্তুক ৫ বছৰৰ বাবে অতি গুৰুত্বপূৰ্ণ…
- মন্দিৰত পূজাৰীয়ে প্ৰসাদ হিচাপে দিয়া ফুলবোৰ কি কৰে? পেলাই দিয়ে নেকি, নিদিব…
- পদ্মশ্ৰী বিৰুবালা ৰাভাৰ দেহাৱসান, মুখ্যমন্ত্ৰী ড০ হিমন্ত বিশ্ব শৰ্মাৰ শোক প্ৰকাশ…
- কেনেকৈ সুখী হ’ব পাৰিব? অবিবাহিত হৈ সুখী হোৱাটো আপোনাৰ বাবে সহজ নে…
- ব্ৰিটিছ সংসদৰ হাউছ অব্ লৰ্ডছলৈ নিৰ্বাচিত প্ৰথমগৰাকী অসমীয়া হিচাপে পৰিগণিত আয়েশা হাজৰিকা…