প্ৰথমবাৰলৈ মুখত মাস্ক পিন্ধিলে আমেৰিকাৰ ৰাষ্ট্ৰপতি ডোনাল্ড ট্ৰাম্পে ৷
দৈনন্দিন বাৰ্তা ডেস্ক :
প্ৰথমবাৰৰ বাবে মুখত মাস্ক পিন্ধিলে আমেৰিকাৰ ৰাষ্ট্ৰপতি ডোনাল্ড ট্ৰাম্পে ৷ উল্লেখ্য যে ক’ভিড-১৯ সংক্ৰমণৰ পৰা ৰক্ষা পাবৰ বাবে মানুহে যিসময়ত মাস্ক পৰিধান কৰি আছে সেই সময়ত আমেৰিকাৰ ৰাষ্ট্ৰপতিজনে পৰিধান নকৰাকৈ আছিল ৷ কিন্তু শনিবাৰে তেওঁ সেনাৰ এখন চিকিৎসালয় পৰিদৰ্শন কৰিবৰ বাবে ৱাশ্বিংটনৰ বাহিৰলৈ যায়৷ তেতিয়া ট্ৰাম্পে প্ৰথমবাৰৰ বাবে মাস্ক পৰিধান কৰে ৷ ট্ৰাম্পে মেৰীলেণ্ডৰ বিদাছহাত সেনা আৰু স্বাস্থ্য কৰ্মীক সাক্ষাৎ কৰে ৷ ট্ৰাম্পে সেই সময়ত ক’লা ৰঙৰ এখন মাস্ক পৰিধান কৰিছিল ৷ আনহাতে কৰ্মচাৰীসকলৰ সৈতে মাস্ক পিন্ধি পৰ্যৱেক্ষণ কৰে৷ কৰ্মচাৰীসকলেও তেতিয়া মাস্ক পৰিধান কৰি আছিল ৷ আনহাতে মাস্ক পিন্ধি ৰাষ্ট্ৰপতিজনে সাংবাদিকৰ লগত কথা পাতিব বিচৰা নাছিল ৷ উল্লেখ্য যে ট্ৰাম্পে ৰাজহুৱা স্থানত মাস্ক পৰিধান কৰা এয়াই প্ৰথম ৷