পূব মাজুলী আঞ্চলিক নাথ-যোগী ছাত্ৰ সন্থা গঠন

উজনি-মাজুলীঃ যোৱা ৩০ আগষ্টত মাজুলী জিলা নাথ-যোগী ছাত্ৰ সন্থাৰ অন্তৰ্গত পূব মাজুলী আঞ্চলিকৰ এখন পূৰ্ণাংগ সমিতি গঠন কৰা হয়। সভা খনিত সভাপতিত্ব কৰে যোগী গাঁৱৰ গাওঁ উন্নয়ন সমিতিৰ সভাপতি অনন্ত নাথে | সভা খনিত উপস্থিত থাকে মাজুলী জিলা নাথ-যোগী ছাত্ৰ সন্থাৰ সভাপতি যোগী দিব্যজোতি নাথ, সম্পাদক যোগী অচ্যুত কুমাৰ নাথৰ লগতে জিলা সমিতিৰ ভালেকেইজন বিষয়ববীয়াৰ লগতে পূব মাজুলী আঞ্চলিক যুৱ-ছাত্র পৰিষদৰ সাধাৰণ সম্পাদক মানৱ বৰা। সভাই দিব্যজোতি নেওঁগক সভাপতি আৰু অভিজিত বৰুৱাক সম্পাদকৰ দায়িত্ব দি ২০২০- ২০২১ বৰ্ষৰ বাবে এখন ৩১জনীয়া পূৰ্ণাংগ সমিতি গঠন কৰে। সভাত মানৱ বৰাই নৱনিৰ্বাচিত সমিতি খনক উদ্দেশ্য কৰি সাংগঠনিক দিশৰ ওপৰত গুৰুত্বপূৰ্ণ মন্তব্য আগবঢ়াই। নৱগঠিত সমিতিখনক শপত বাক্য পাঠ কৰাই যোগী অচ্যুত কুমাৰ নাথে ।