অসম জাতীয় পৰিষদৰ কুমাৰীকাটাত আঞ্চলিক সমিতি গঠন

তামুলপুৰ সমষ্টিৰ অন্তৰ্গত কুমাৰীকাটাত কুমাৰীকাটা সামূহিক ভৱন প্ৰাংগণত অলপতে অসম জাতীয় পৰিষদৰ কুমাৰীকাটা আঞ্চলিক সমিতিখন গঠন কৰা হয়। কুমাৰীকাটা অঞ্চলৰ জাতীয়তাবাদী শিৱিৰৰ শতাধিক লোকে অংশগ্ৰহণ কৰা আৰু অসম জাতীয় পৰিষদৰ তামুলপুৰ সমষ্টিৰ তত্বাৱধায়ক বীৰেণ ৰাজবংশীৰ সভাপতিত্বত অনুষ্ঠিত সভাত বিভিন্ন দিশ আলোচনাৰ অন্তত কুমাৰীকাটাৰ বিশিষ্ট সমাজকৰ্মী দুলুজিৎ ভৰালীক সভাপতি, বীৰেণ দাসক উপ সভাপতি আৰু মঃ মহনুৰ হুছেইনক মুখ্য সম্পাদক হিচাপে লৈ ৩১ জনীয়া সদস্যৰে অসম জাতীয় পৰিষদৰ কুমাৰীকাটা আঞ্চলিক সমিতিখন গঠন কৰা হয়। সভাত উপস্থিত থাকি অসম জাতীয় পৰিষদৰ বাক্সা জিলাৰ আহ্বাহয়ক দমণ পাটোৱাৰী আৰু বাক্সা জিলাৰ সমন্বয়ক প্ৰাণজিৎ তালুকদাৰে সাৰুৱা ভাষণ প্ৰদান কৰাৰ লগতে পৰিৱৰ্তনৰ স্বাৰ্থত ৰাইজক ঐক্যবদ্ধ হবলৈ আহ্বান জনায়।