সোণতলী ছয়গাঁও,
বকো সমষ্টিৰ অন্তৰ্গত গৰৈমাৰী-কালাতলী-সোণতলী প্ৰেছ ক্লাবৰ সাধাৰণ সভাখন আজি জ্যেষ্ঠ সমাজকৰ্মী আব্দুৰ ৰহমানৰ সভাপতিত্বত গৰৈমাৰীৰ চিৰাতুনব্বী পুঁথিভড়ালত অনুষ্ঠিত হয়৷ সভাত আগন্তক বৰ্ষৰ বাবে আমিন ময়নুল হক (আমাৰ অসম)ক সভাপতি, আব্দুৰ ৰহিম (প্ৰাগ নিউজ)ক কাৰ্যকৰী সভাপতি, আবুল কালাম আজাদ (নিউজ১৮)ক উপ-সভাপতি, নুৰুল ইছলাম আৰু নয়ান আলী (নিয়মীয়া বাৰ্তা)ক সাধাৰণ সম্পাদক, আজিজুল হক (কালাতলী)ক সহকাৰী সম্পাদক, ইছমাইল হুছেইন (সোণতলী)ক সাংগঠনিক সম্পাদক, জমিৰ আল-হাছান (গৰৈমাৰী)ক প্ৰচাৰ সম্পাদক, নুৰুল ইছলাম, কামাৰুজ জামান, মহৰ আলী, ছিৰাজুল হকক কাৰ্যকৰী সদস্য আৰু ৰেজাউল কবিৰ, আনোৱাৰ হুছেইন, ছাইফুল ইছলামক সদস্য হিচাপে লৈ জি কে এছ প্ৰেছ ক্লাবৰ এখন নতুন সমিতি গঠন কৰা হৈছে৷ সভাত আব্দুৰ ৰহমান, আজাদ ওচমান গণি, মনছুৰ ৰহমান খান, আব্দুল মজিদ আৰু শ্বহিদুৰ ৰহমানক প্ৰেছ ক্লাবৰ মুখ্য উপদেষ্টা হিচাপে লোৱা হৈছে৷ উল্লেখ্য যে গৰৈমাৰী-কালাতলী-সোণতলী প্ৰেছ ক্লাবখন বিগত পোন্ধৰ বছৰ ধৰি দুটা গোটত বিভক্ত হৈ আছিল৷ দীৰ্ঘদিনৰ বিবাদৰ অন্ত পেলাই নতুনকৈ একত্ৰিত হৈ গৰৈমাৰী-কালাতলী-সোণতলী প্ৰেছ ক্লাবখন গঠন কৰাত সচেতন মহলে অঞ্চলটোৰ সাংবাদিকসকলক শুভেচ্ছা জনোৱাৰ লগতে সমাজৰ উন্নয়নৰ উদ্দেশ্যে আগবাঢ়ি যাৱলৈ আহ্বান জনায়৷