প্ৰাক্তন মুখ্যমন্ত্ৰী তৰুণ গগৈৰ দাবী : অসমৰ মুখ্যমন্ত্ৰী পদৰ প্ৰাৰ্থী উচ্চতম ন্যায়ালয়ৰ মুখ্য ন্যায়াধীশ ৰঞ্জন গগৈ

দৈনন্দিন বাৰ্তা ডেস্ক : অসমৰ মুখ্যমন্ত্ৰী পদৰ প্ৰাৰ্থী হ’ব উচ্চতম ন্যায়ালয়ৰ মুখ্য ন্যায়াধীশ ৰঞ্জন গগৈ ৷ এই চাঞ্চল্যকৰ দাবী কৰিছে অসম কংগ্ৰেছৰ নেতা তথা প্ৰাক্তন মুখ্যমন্ত্ৰী তৰুণ গগৈয়ে ৷ তেওঁ কয়, ৰঞ্জন গগৈৰ ৰাম মন্দিৰ ৰায়ত বিজেপি সুখী ৷ তাৰেই পুৰস্কাৰ হিচাপে পাব মুখ্যমন্ত্ৰীৰ পদ ৷ অৱশ্যে কংগ্ৰেছ নেতাৰ এনে দাবী নস্যাৎ কৰিছে উচ্চতম ন্যায়ালয়ৰ মুখ্য ন্যায়াধীশ ৰঞ্জন গগৈয়ে ৷ তেওঁ কয়, মই বিজেপিৰ মুখ্যমন্ত্ৰী পদৰ প্ৰাৰ্থী নহয় ৷ উল্লেখ্য যে উচ্চতম ন্যায়ালয়ৰ প্ৰাক্তন মুখ্য ন্যায়াধীশ ৰঞ্জন গগৈৰ আমূলত বহু গুৰুত্বপূৰ্ণ গোচৰৰ নিষ্পত্তি হৈছে ৷ ইয়াৰ মাজতে অন্যতম দীৰ্ঘ দিন ধৰি চলি থকা অযোধ্যাৰ ৰাম মন্দিৰ গোচৰ ৷ উচ্চতম ন্যায়ালয়ৰ প্ৰাক্তন মুখ্য ন্যায়াধীশৰ নেতৃত্বাধীন বিচাৰপীঠে অযোধ্যাৰ বিতৰ্কিত ভূমিত ৰাম মন্দিৰ গঢ়াৰ পক্ষে ৰায় দিয়ে ৷ ইয়াৰ পাচতে ৰঞ্জন গগৈক লৈ বহু বিতৰ্কৰ সৃষ্টি হয় ৷ তেওঁ অসমৰ পৰৱৰ্তী মুখ্যমন্ত্ৰী পদৰ প্ৰাৰ্থী হ’ব পাৰিব বুলি দাবী কৰিছে অসমৰ প্ৰাক্তন মুখ্যমন্ত্ৰীয়ে ৷ এই প্ৰসংগত তৰুণ গগৈয়ে সংবাদ মাধ্যমত কয়, মই পোৱা খবৰ মতে ৰঞ্জন গগৈক বিজেপিৰ অসমৰ পৰৱৰ্তী মুখ্যমন্ত্ৰী পদৰ প্ৰাৰ্থী হ’ব ৷ মুখ্যমন্ত্ৰী পদৰ দাবীদাৰ হিচাপে তেওঁৰ নাম তালিকাত আছে ৷ তৰুণ গগৈৰ দাবী উচ্চতম ন্যায়ালয়ৰ প্ৰাক্তন মুখ্য ন্যায়াধীশ  যদি ৰাজ্যসভাৰ সাংসদ হ’ব পাৰে তেনেহ’লে মুখ্যমন্ত্ৰী পদৰ প্ৰাৰ্থী হোৱাৰ প্ৰস্তাৱ তেওঁৰ হ’ব পাৰে৷ এই প্ৰসংগত অসমৰ প্ৰাক্তন মুখ্যমন্ত্ৰী তৰুণ গগৈয়ে লগতে কয়, সেয়াই ৰাজনীতি ৷ ৰঞ্জন গগৈৰ ৰাম মন্দিৰ ৰায়ত বিজেপি সুখী ৷ ইয়াৰ পাচত তেওঁ লাহে লাহে ৰাজনীতিত প্ৰৱেশ কৰিছে ৷ প্ৰথমে ৰাজ্যসভাৰ সাংসদ হ’ল ৷ তাৰ পাচত মুখ্যমন্ত্ৰী পদত বহিব পাৰিব তেওঁ ৷ এই সম্পৰ্কে তেওঁৰ প্ৰশ্ন, সাংসদ মনোনীত হোৱাৰ বাবে কিয় সন্মত হ’ল ৰঞ্জন গগৈ ৷ তেওঁ সহজেই মানৱাধিকাৰ আয়োগৰ অধ্যক্ষ হ’ব পাৰিলেহেতেন ৷ তেওঁৰ ৰাজনৈতিক উচ্চাকাংক্ষা আছে ৷ তেওঁ ৰাজ্যসভাৰ সাংসদ হোৱাৰ প্ৰস্তাৱ মানি লৈছে ৷ অৱশ্যে এই দাবী গুৰুত্বহীন কৰিছে উচ্চতম ন্যায়ালয়ৰ প্ৰাক্তন মুখ্য ন্যায়াধীশে ৷ তেওঁ ইয়াৰ বিপৰীতে কটাক্ষ কৰি কয়, কোনোৱে যদি ৰাজ্যসভাৰ মনোনীত সদস্য আৰু নিৰ্বাচিত সদস্যৰ মাজত পাৰ্থক্য বুজি নাপায় সেয়া দুৰ্ভাগ্য ৷ মই মনোনীত সদস্যত সন্মত হৈছো ৷ কাৰণ দলমত নির্বিশেষে নিজৰ দাবী ৰাজ্যসভাত দাখিল কৰিব পাৰিম ৷