ক’ৰোনাত আক্ৰান্ত হৈ মৃত্যু প্ৰাক্তন কংগ্ৰেছী মন্ত্ৰী

দৈনন্দিন বাৰ্তা ডিজিটেল ডেস্ক : কৰ্ণাটকৰ প্ৰাক্তন কংগ্ৰেছী মন্ত্ৰী ৰাজা মদনগোপাল নায়ক ক’ৰোনাত আক্ৰান্ত হৈ মৃত্যু হৈছে৷ তেওঁ ৰাজ্যখনৰ উত্তৰাঞ্চলৰ কালাবুৰাগিৰ এখন চিকিৎসালয়ত মৃত্যু হয়৷ মৃত্যুৰ সময়ত তেওঁৰ বয়স আছিল ৭০ বছৰ৷ প্ৰাক্তন মন্ত্ৰীজন যোৱা সোমবাৰে ক’ৰোনাত আক্ৰান্ত হোৱাত ইএছআই হাস্পতালত ভৰ্ত্তি কৰায়৷ তাৰ পাছত ২৩ জুলাইত তেওঁক নিজৰ ঠাই য়াদিগিৰ জিলাৰ সুৰপুৰলৈ লৈ যোৱা হয়৷ উল্লেখ্য যে কালাবুৰাগি এলেকাটো ৰাজ্যখনৰ উত্তৰাঞ্চলৰ আৰু বেংগালুৰুৰ পৰা ৬৩০ কিলোমিটাৰ নিলগত৷ তেওঁ ১৯৯২-৯৪ চনত বীৰাপ্পা মৈলী নেতৃত্বাধীন কংগ্ৰেছ চৰকাৰৰ এজন মন্ত্ৰী আছিল৷ তেওঁ নিউমোনিয়া আৰু হৃদৰোগত আক্ৰান্ত হয়৷ উল্লেখ্য যে তেওঁ হ’ল ক’ভিড-১৯ত আক্ৰান্ত হৈ মৃত্যু হোৱা ৰাজ্যখনৰ প্ৰথম ৰাজনীতিবিদ৷