Breaking

নলবাৰী শ্ৰীশ্ৰী হৰিমন্দিৰ প্ৰাংগনত কিডনী আৰু ইউৰ’লোজী বিনামূলীয়া চিকিৎসা শিবিৰ

0 80

কামৰূপ জিলাৰ সোণাপুৰৰ নিকটৱৰ্তী কমাৰকুছি নাজিৰাখাটত নতুনকৈ মুকলি কৰিবলগীয়া অসম তথা উত্তৰ-পূৰ্বাঞ্চলৰ প্ৰথম তথা একমাত্ৰ ইনষ্টিটিউট অৱ ইউৰ’লোজি এণ্ড কিডনী ডিজিজেছৰ উদ্যোগত তথা  ইষ্টাৰ্ণ ষ্টোন এণ্ড কিডনী ফাউণ্ডেচনৰ সহযোগত  নলবাৰী শ্ৰীশ্ৰী হৰিমন্দিৰ প্ৰাংগনত আজি এটা বিনামূলীয়া চিকিৎসা শিবিৰ অনুষ্ঠিত হয়।

শ্ৰী শ্ৰী হৰিমন্দিৰ প্ৰাংগনত ৰাতিপুৱাৰ ১০ বজাৰ পৰা ২ বজালৈ অনুষ্ঠিত শিবিৰত  কিডনী আৰু ইউৰ’লোজী বিভাগৰ প্ৰায় তিনি শতাধিকৰো অধিক ৰোগীৰ   স্বাস্থ্য পৰীক্ষা কৰি বিনামূলীয়াকৈ ঔষধ যোগান ধৰা হয়।

নলবাৰী শ্ৰীশ্ৰী হৰিমন্দিৰ সমিটিৰ সহযোগ কৰা চিকিৎসা শিবিৰটোত  ডাঃ অৰূপ কুমাৰ নাথ,ডাঃ দেৱজিৎ বৈশ্য,ডাঃ অনুপ দত্ত বৰুৱা, ডাঃ হৰেন বৰদলৈ,  ডাঃ মস্তাকিম আহমেদ মজুমদাৰ আৰু ডাঃ দুলুমনি কলিতাই চিকিৎসা সেৱা আগবঢ়ায়।

প্ৰতিষ্ঠানখনৰ বিষয়ববীয়া মেৰাজ আহমেদৰ লগতে বিভিন্নজন কৰ্মীৰ পৰিচালনাত অনুষ্ঠিত শিবিৰটো উদ্বোধন কৰে নলবাৰী জিলা পৰিষদৰ মুখ্য কাৰ্যবাহী বিষয়া জয়ন্ত গোস্বামীয়েl
ধ্ৰুব জ্যোতি মালাকাৰ

Leave A Reply