মাজুলী জিলা আপকু আৰু উপায়ুক্তৰ সৌহাদ্যমূলক বৈঠক সম্পন্ন, সাংবাদিকৰ সমস্যা সমাধানত আগ্ৰহী উপায়ুক্ত ।

উজনি-মাজুলী : আছাম প্ৰেছ ক’ৰেচপণ্ডেণ্টছ ইউনিয়নৰ (আপকু) মাজুলী জিলা সমিতি আৰু মাজুলী জিলা উপায়ুক্তৰে মাজত বৃহস্পিতবাৰে অনুষ্ঠিত হয় এক সৌহাদ্যমূলক বৈঠক। উপায়ুক্তৰ আহ্বান মৰ্মে অনুষ্ঠিত বৈঠকত  জিলাৰ  উপায়ুক্ত বিক্ৰম কৈৰী, অতিৰিক্ত উপায়ুক্ত ক্ৰমে  নৰেন দাস, উৎপল দলে, মাজুলী জিলা তথ্য আৰু জনসংযোগ বিভাগৰ বিষয়া ৰাজেন্দ্ৰ বৰুৱা মাজুলী জিলা আপকুৰ সভাপতি জীৱন বৰুৱা, সম্পাদক জ্যোতিষ কুমাৰ তামুলী, সহকাৰী সম্পাদক ভাস্কৰ বৰা, সদস্য পুলক শইকীয়া আৰু বিতু বৰা উপস্থিতিত অনুষ্ঠিত বৈঠকত উপায়ুক্তই আপকুৰ সংবাদিক সকলৰ সমস্যা সন্দৰ্ভত জানিব বিচাৰে। আপকুৰ সভাপতি জীৱন বৰুৱাই মাজুলীৰ আপকুৰ সতীৰ্থ সাংবাদিক সকলে মাজুলীৰ দৰে সমস্যাৰে ভাৰাক্ৰান্ত জিলাখনৰ পৰা বিভিন্ন ক্ষেত্ৰত আৰু বিভিন্ন সময়ত  সংবাদ  পৰিবেশন কৰি দৈনন্দিন কাৰ্য পৰিচালনাৰ ক্ষেত্ৰত ভোগ কৰি অহা নানান অসুবিধা আৰু সমস্যাৱলী সন্দৰ্ভত আৰু তাৰ সমাধানাৰ্থে আঠ দফীয়া এখন দাবী পত্ৰ পাঠ কৰি উপায়ুক্তৰ হাতত দাখিল কৰে। উপায়ুক্ত গৰাকীয়ে সাংবাদিক সকলৰ এই সমস্যা  সমূহ আন্তৰিকতাৰে হৃদয়ঙ্গম কৰে। আলোচনাত উপায়ুক্তই   মাজুলীত  তেখেতৰ তৰফৰ পৰা কৰিব পৰা খিনি কৰি দিয়াৰ লগতে সমস্যা সমাধানৰ আশ্বাস দিয়াৰ উপৰিও আন অসুবিধা সমূহ দূৰীকৰণৰ কাৰণে দাবী সমূহ অসম চৰকাৰলৈ প্ৰেৰণ কৰাৰ  আশ্বাস প্ৰদান কৰে। দাবী পত্ৰত মাজুলীৰ আপকুৰ সাংবাদিক সকলৰ লগতে অসমৰ সাংবাদিক সকলৰ কাৰণে অসম চৰকাৰে ইতিপূৰ্বে ঘোষণা কৰা জীৱন বীমা আঁচনি আৰু সাংবাদিকক এককালীন আৰ্থিক সাহাৰ্য প্ৰদান আঁচনি দুখন সোনকালে কাৰ্যকৰী কৰিবলৈ চৰকাৰক আহ্বান জনায়।