এইবাৰ আই পি এলত দেখা নাযাব বহু তাৰকা খেলুৱৈক। ইয়াৰ ভিতৰত আছে পিঠিৰ আঘাতৰ সৈতে যুঁজি থকা যছপ্ৰিত বুমৰাহৰ পৰা আৰম্ভ কৰি দুৰ্ঘটনাৰ পৰা সুস্থ হৈ উঠা ঋষভ পন্তলৈকে।এইবাৰ অনুৰাগীৰ বাবে আই পি এল বহুত বেলেগ হ’ব, কাৰণ তেওঁলোকৰ প্ৰিয় খেলুৱৈ কিছুমান এই ছিজনত খেলিব নোৱাৰিব। ভাৰতীয় খেলুৱৈৰ পৰা বিদেশী খেলুৱৈলৈকে এই তালিকাত অন্তৰ্ভুক্ত হৈছে।এই তালিকাত প্ৰথম স্থানত আছে ঋষভ পন্ত। দুৰ্ঘটনাৰ বাবে পণ্টে আই পি এল ২০২৩ৰ অংশ হ’ব নোৱাৰিব। যোৱা ছিজনত তেওঁ দিল্লী কেপিটেলছৰ অধিনায়কত্ব কৰিছিল।পিঠিৰ আঘাতৰ বাবে মুম্বাই ইণ্ডিয়ানছৰ তাৰকা বেগী বলাৰ যছপ্ৰিত বুমৰাহ আই পি এল ২০২৩ৰ অংশ হ’ব নোৱাৰিব। দীৰ্ঘদিন ধৰি ক্ৰিকেটৰ পৰা আঁতৰি আছে বুমৰাহ।
ৰাজস্থান ৰয়েলছৰ হৈ খেলা বিখ্যাত বেগী বলাৰ কৃষ্ণ দীৰ্ঘদিন ধৰি ষ্ট্ৰেছ ফ্ৰেক্টৰত আক্ৰান্ত হৈ আছে। আঘাতৰ বাবে কৃষ্ণই আই পি এল ২০২৩ত খেলিব নোৱাৰিব।অষ্ট্ৰেলিয়াৰ বেটছমেন ষ্টিভ স্মিথেও আই পি এল ২০২৩ৰ অংশ হ’ব নোৱাৰিব। এই পৰ্যন্ত আই পি এলৰ মুঠ ১০৩খন মেচ খেলিছে স্মিথে।অষ্ট্ৰেলিয়াৰ বেগী বলাৰ পেট কামিন্সক আই পি এলৰ ১৬ সংখ্যক ছিজনত খেলা দেখা নাযায়। কেকেআৰৰ হৈ খেলা পেট কামিন্সে আন্তঃৰাষ্ট্ৰীয় পৰ্যায়ৰ ব্যস্ততাৰ বাবে প্ৰতিযোগিতাখনৰ পৰা নিজৰ নাম প্ৰত্যাহাৰ কৰিছে।