গোৱালপাৰা ডাক সংমণ্ডলৰ “আপোনাৰ ডাকঘৰ আপোনাৰ দুৱাৰত” অভিযান

ধুবুৰী

গোৱালপাৰা ডাক সংমণ্ডলৰ ডাক কৰ্মীসকলে গ্ৰাহকৰ ঘৰে ঘৰে গৈ ডাকঘৰৰ দ্বাৰা উপলব্ধ সেৱাসমূহ বিশেষকৈ ছেভিংছ, ৰেকাৰিং ডিপোজিট, সুকন্যা সমৃদ্ধি একাউণ্ট আৰু ডাক জীৱন বীমাৰ লেনদেনৰ ব্যৱস্থা কৰিছে। ইয়াৰ উপৰি আই পি পি বি একাউণ্ট আৰু আধাৰযুক্ত যিকোনো বেংক একাউণ্টৰ পৰা টকা উঠোৱাৰ সুবিধা গ্ৰাহকৰ ঘৰতে প্ৰদান কৰা হৈছে। বুধবাৰে এই অভিযানৰ যোগেদি গোৱালপাৰা ডাক সংমণ্ডলৰ অধীনত ধুবুৰী, কোকৰাঝাৰ, বঙাইগাঁও আৰু গোৱালপাৰা জিলাৰ কমেও ৮৭খন গাঁৱৰ ২১৭১জন গ্ৰাহকক সেৱা প্ৰদান কৰা হয়। উল্লেখনীয় যে গোৱালপাৰা ডাক সংমণ্ডলৰ অধীক্ষক দেবৰাজ শেঠী আৰু সহ অধীক্ষক গিৰিকান্ত ডেকাই ধুবুৰী আৰু কোকৰাঝাৰ জিলাৰ কেইবাখনো গাঁৱত উপস্থিত হৈ উক্ত অভিযানৰ তদাৰক কৰাৰ লগতে এনে এক জটিল পৰিস্থিতিৰ মাজতো গ্ৰাহকৰ ঘৰে ঘৰে গৈ আগবঢ়োৱা সেৱাৰ বাবে ডাক কৰ্মীসকলক ভূয়সী প্ৰশংসা কৰে আৰু প্ৰকৃত ক’ৰোনা যোদ্ধা বুলি অভিহিত কৰে।