Breaking

মানসিক ৰোগী পুনৰ সংস্হাপন কেন্দ্ৰৰ স্হায়ী গৃহ নিৰ্মাণৰ বাবে মানৱ দৰদী মহিলাৰ দুই লাখ টকাৰ অনুদান

0 39

নাজিৰা

শিৱসাগৰ জিলা তথা উজনি অসমৰ মহিলা মানসিক ৰোগীসকলৰ আশা-ভৰসাৰস্হল নাজিৰা মহিলা মানসিক ৰোগী পুনৰ সংস্হাপন কেন্দ্ৰ “জ্যোতি”গৃহ।নাজিৰা মহকুমাৰ বৰতলাস্হিত হিউমেন ৱেলফেয়াৰ ছ’চাইটিৰ উদ্যোগত উদ্যমী আৰু মানৱদৰদী যুৱক নাছেৰ খানৰ বিশেষ প্ৰচেষ্টাত আৰু স্বেচ্ছাসেৱী সংগঠন হিউমেন ৱেলফেয়াৰ ছ’চাইটিৰ সদস্যসকলৰ সহযোগত গঢ় লৈ উঠা এই মহিলা মানসিক ৰোগী পুনৰ সংস্হাপন কেন্দ্ৰৰ পৰা ইতিমধ্যে উজনি অসমৰ প্ৰায় ৪ শতাধিক মহিলা মানসিক ৰোগী সুস্হ হৈ উঠিছে। বৰ্তমানে এই কেন্দ্ৰটোত এসময়ৰ দুৰ্ধৰ্ষ আলফা নেত্ৰী বেবী মৰাণকে আদি কৰি প্ৰায় ২০গৰাকী মহিলা মানসিক ৰোগীয়ে আশ্ৰয় গ্ৰহণ কৰি আছে।কিন্ত ভাড়াঘৰত থকা এই মহিলা মানসিক ৰোগী পুনৰ সস্হাপন কেন্দ্ৰটোৰ বাবে এই পৰ্যন্ত এটা স্হায়ী গৃহ সম্ভৱ হৈ উঠা নাই বা চৰকাৰেও এই ক্ষেত্ৰত কোনো প্ৰদক্ষেপ গ্ৰহন কৰা নাই।শেহতীয়াভাৱে হিউমেন ৱেলফেয়াৰ ছ’চইটিৰ প্ৰতিষ্ঠাপক সঞ্চালক নাচেৰখানৰ বিশেষ উদ্যোগত নাজিৰা মহকুমাত মানসিক ৰোগী পুনৰ সংস্হাপনৰ এটা স্হায়ী গৃহ নিৰ্মাণৰ প্ৰদক্ষেপ গ্ৰহন কৰা হৈছে।ইয়াৰ বাবে যথেষ্ট ধনৰ প্ৰয়োজন আহি পৰিছে। ইয়াৰ এক অংশৰূপে অলপতে স্বেচ্ছাসেৱী সংগঠনটোৰ প্ৰতিষ্ঠাপক সঞ্চালেক নাচেৰ খানৰ মাতৃ আলহাজা আঞ্জুমান ৰহমানে স্হায়ী গৃহটি নিৰ্মাণৰ বাবে প্ৰথম পদক্ষেপ হিচাপে দুই লাখ টকাৰ অনুদানৰ এখন চেক অলপতে কেন্দ্ৰটোত অনুষ্ঠিত এক অনুষ্ঠানত হিউমেন ৱেলফেয়াৰ ছ’চাইটিৰ সঞ্চালক তথা ৰহমানৰ জ্যেষ্ঠ পুত্ৰ নাচেৰ খানৰ হাতত প্ৰদান কৰে।আঞ্জুম ৰহমানে আগন্তুক সময়তো কেন্দ্ৰটো নিৰ্মাণৰ ক্ষেত্ৰত সহায় কৰাৰ প্ৰতিশ্ৰুতি দিয়ে। মানৱ দৰদী মহিলাগৰাকীৰ এই অনুদান আৰু সংস্থাটোৰ প্ৰতি থকা সহনাভূতিৰ বাবে সংস্থাটোৰ পৰিচালনা সমিতিয়ে সন্তুষ্টি প্ৰকাশ কৰে।

Leave A Reply