Breaking

নাজিৰাত গুটখা ব্যৱসায়ীৰ দপদপনি : কেইটামান টকাৰ লেনদেনৰ বাবেই কৰ্মচাৰীক ঘৰৰ ভিতৰত সোমোৱাই মাৰপিট গুটখা মাফিয়া বিকাশ চাহু আৰু সুভাষ চাহুৰ।

0 846

নাজিৰা : নাজিৰাৰ আৰক্ষী এতিয়া অঞ্চলটোৰ কুখ্যাত গুটখা মাফিয়াৰ হাতৰ মুঠিত। এইয়াই যেন প্ৰতিপন্ন হৈছে নাজিৰাৰ এজন গুটখা মাফিয়া  ব্যৱসায়ীৰ শেহতীয়া কাৰ্যকলাপত।  মাত্ৰ কেইটামান টকাৰ লেনদেনৰ অজুহাত লৈ নিজৰ ঘৰৰ ভিতৰতে নাজিৰাৰ কুখ্যাত গুটখা মাফিয়া বিকাশ চাহু আৰু ভাতৃ সুভাষ চাহুয়ে  নিজৰ কৰ্মচাৰী সুনিল মাহাতুক শনিবাৰে ঘৰৰ ভিতৰত সোমোৱাই অতি বেয়াকৈ মাৰপিট কৰাৰ উপৰি প্ৰাণে মৰাৰ চেষ্টা চলায়। গুৰুতৰভাৱে আহত মাহাতুয়ে সুযোগ লৈ চাহুৰ ঘৰৰ পৰা প্ৰাণ ৰক্ষা কৰিবলৈ সক্ষম হয় আৰু ঘটনা সন্দৰ্ভত নাজিৰা আদৰ্শ আৰক্ষী থানাত বিকাশ চাহু আৰু তেওঁৰ ভাতৃ সুভাষ চাহুৰ বিৰুদ্ধে এখন এজাহাৰ দাখিল কৰে। কিন্তু চৰম পৰিতাপৰ বিষয় যে, এজাহাৰ তথা অভিযোগ দিয়াৰ পিছতো নাজিৰা আৰক্ষী ৰহস্য জনকভাৱে আজি তিনিদিন ধৰি নিমাত  হোৱা কাণ্ডই জোকাৰি গৈছে সকলোকে। আই টি চি কোম্পানীৰ ডিলাৰৰ অচিলা লৈ নাজিৰাত গুটখা ব্যৱসায়ৰ সাম্ৰাজ্য গঢ়ি তোলা বিকাশে তেঁওৰ অধীনত কৰ্মৰত সুনিল মাহাতু নামৰ যুৱকজনক ব্যৱসায়ীক লেনদেনৰ বাবে যুৱকজনৰ পৰা ৩৪ হাজাৰ টকা দাবী কৰে। কিন্তু যুৱকজনে মাত্ৰ ১৮ হাজাৰ টকাহে দিবলৈ আছে বুলি জনোৱাত বিকাশে যুৱকজনক নিজৰ ঘৰৰ ভিতৰত আৱদ্ধ কৰি প্ৰাণে মৰাৰ চেষ্টা চলোৱাৰ লগতে ভোটাৰ কাৰ্ড, পান কাৰ্ড কাঢ়ি লয়। ইয়াৰ উপৰিও জোৰ জবৰদস্তি কৰি যুৱকজনক এখন উকা দলিলতো চহী কৰাই লয়। ইপিনে এই সমগ্ৰ ঘটনাৰ ন্যায় বিচাৰি ভুক্তভোগী যুৱকজনৰ পৰিয়ালে নাজিৰা আৰক্ষীৰ কাষ চাপে যদিও আৰক্ষীৰ নিৰ্লিপ্ত ভূমিকাই শেহতীয়াকৈ প্ৰতিপন্ন কৰিছে যে নাজিৰা আৰক্ষী বিকাশৰ হাতৰ মুঠিত। উল্লেখযোগ্য যে কিছুদিন পূৰ্বে আই টি চি কোম্পানীৰ অনুমোদিত এখন পঞ্জাৱবডী ট্ৰাকত বিস্কুটৰ লগতে প্ৰায় ৫০ লক্ষ টকা মূল্যৰ গুটখাসহ নাজিৰাৰ কেইজনমান সচেতন যুৱকৰ তৎপৰতাত আৰক্ষীয়ে জব্দ কৰিছিল যদিও নাজিৰাৰ আৰক্ষীয়ে অতি কৌশলগতভাৱে গুটখাৰ লগত অহা জৰ্দা সমূহ গুটখা মাফিয়া বিকাশ চাহুক ঘূৰাই দিয়ে প্ৰায় দুই লাখ টকাৰ বিনিময়ত। নাজিৰাৰ আৰক্ষীৰ এনে কেটবোৰ কৰ্মকাণ্ড সঘনাই সংবাদ মাধ্যমৰ শিৰোনামা দখল কৰিবলৈ সক্ষম হৈছে। ইয়াৰ পিছতো গা লৰা নাই নাজিৰা আৰক্ষী প্ৰশাসন তথা দূৰ্নীতি নিৰ্মূলৰ ক্ষেত্ৰত শূন্য সহনশীল নীতি আওৰাই থকা মুখ্যমন্ত্ৰী সৰ্বানন্দ সোণোৱাল নেতৃত্বাধীন অসম চৰকাৰৰ গৃহ বিভাগৰ উৰ্ধতম কৰ্তৃপক্ষৰ।

Leave A Reply