✍ জ্যোতিস্মান শৰ্মা
“তুমিতো জানাই
এই কবিৰ আৰু একো নাই
এটাই মাথোঁ কামিজ
তাৰো ছিগো-ছিগো চিলাই
প্ৰেম নিশ্চয় এনেকুৱাই
আৱৰণ খুলি হৃদয় জোৰাই।”(হীৰুদা)
আজি ২৮ জুলাই, সুগন্ধি পখিলাৰ কবি ‘হীৰুদা’ৰ (হীৰেন ভট্টাচাৰ্য) ওপজা দিন। ১৯৯২ চনত সাহিত্য অকাডেমি বঁটা লাভ কৰা হীৰুদাৰ সুগন্ধি পখিলাৰ কবি আৰু প্ৰেম আৰু ৰ’দালিৰ কবি বুলিও অসমীয়া সাহিত্য জগতত এক সুকীয়া পৰিচয় আছে। তেখেতৰ ১৩খন কবিতা পুথি অসমীয়া ভাষাত প্ৰকাশ পেৱাৰ লগতে বঙালী ভাষাত ২ খনকৈ কবিতা পুথি অনুদিত হৈছে। ২০১২চনৰ চাৰি জুলাই তাৰিখে ‘হীৰুদা’ই গুৱাহাটীৰ দিশপুৰ চিকিৎসালয়ত অন্তিম নিশ্বাস ত্যাগ কৰিছিল। সুগন্ধি পখিলাৰ কবি হীৰুদালৈ দৈনন্দিন বাৰ্তা ডিজিটেল সংস্কৰণৰ পৰা ওপজা দিনৰ শুভকামনা জনালে।