মঙলদৈৰ ৰুনাৰ উৎফুল্লিত দৰংবাসী । শাৰীৰিক ভাৱে অসুস্থ দৈনিক ১৮ টাকৈ টেবলেট খাই ৰুনাই। ৰুণাৰ হৈ পৰীক্ষাত লেখিছিল ভণীয়েকে।
মঙ্গলদৈ
শাৰীৰিক প্ৰতিবন্ধকতাক নেওচি আজি ঘোষিত হাইস্কুল শিক্ষান্ত পৰীক্ষাত উত্তীৰ্ণ হোৱা ৰুণা বৰাৰ সাফল্যত উৎফুল্লিত হৈ পৰিছে দৰংবাসী। মঙ্গলদৈ প্ৰফুল্ল নগৰ (বিদ্যানগৰ) ৰ কমল বৰা আৰু মামনী বৰাৰ ডাঙৰ ছোৱালী ৰুনা বৰাই শাৰীৰিক অসুস্থতাকো নেওচি হাইস্কুল শিক্ষান্ত পৰীক্ষাৰ ফলাফলত দ্বিতীয় স্থান অধিকাৰ কৰিবলৈ সক্ষম হৈছে। মঙলদৈ কলেজিয়েট হাই স্কুলৰ পৰা হাইস্কুল শিক্ষান্ত পৰীক্ষাত অৱতীৰ্ণ হৈছিল, উত্তৰ মঙলদৈ হাইস্কুল পৰীক্ষা কেন্দ্ৰত ভনীয়েক তৃষ্ণা মনি বৰাৰ সতে পৰীক্ষা কেন্দ্ৰত ৰুনাই প্ৰশ্ন কাকতৰ প্ৰশ্নৰ উত্তৰ কৈ যায় আৰু ভনীয়েক তৃষ্ণাই পৰীক্ষাৰ উত্তৰ বহীত উত্তৰ লিখি যাই, এনে দৰে শাৰীৰিক বাধাকো নেওচি আজি ঘোষিত হাইস্কুল শিক্ষান্ত পৰীক্ষাত ৪৭ শতাংশ নম্বৰ লৈ দ্বিতীয় বিভাগত উত্তীৰ্ণ হবলৈ সক্ষম হল ৰুনা। উল্লেখযোগ্য যেৰুনা বৰা জন্মগত ভাৱে এগৰাকী বিশেষ ভাবে সক্ষম ছোৱালী। তাই নিজে আনৰ সহায় নহলে বহাৰ পৰা উঠিব, এটা খোজকাঢ়িব নোৱাৰে।কিবা কাৰনত এদিনত এটা টেৱলেট তাইক খুৱাব নোৱাৰিলেও অচল হৈ পৰিব তাই।তাই নাই মুৰত কোনো চুলি ,মুখত দাত, দেহত থকা হাড় তেনেই ঠুনুকা। আনকি মাক বাপেকৰ সহায় নহলে তাই খাদ্য খাব বা শৌচ প্ৰসাৱ কৰিব নোৱাৰে। ৰুনাক প্ৰতিদিনত মুঠ ১৮ টাকৈ টেৱলেট খুৱাব লাগে, যাৰ মূল্য ৩৫০। জন্মগত ভাৱে অক্ষম ছোৱালীজনীৰ কেইবাবছৰো ঔষধ দেউতাকে দিন হাজিৰা কৰি কৰিয়ে কিনি আছিল যদিও বিগত দুবছৰৰ পৰা স্বাস্থ্য বিভাগৰ পৰা বিনামূলীয়াকৈ লাভ কৰি আহিছে। সাধাৰণতে এই ফলাফল সাধাৰণ তথাপি ওচৰ চুবুৰীয়াৰ লগতে মঙ্গলদৈৰ বিধায়ক গুৰু জ্যোতি দাস, সমাজকৰ্মী পিংকু মণি দাস ছাত্ৰী গৰাকীৰ ঘৰলৈ গৈ শুভেচ্ছা জ্ঞাপন কৰিছে।