উত্তৰ পূৰ্বাঞ্চলৰ জনসাধাৰণৰ বিপক্ষে আপত্তিজনক মন্তব্য কৰাৰ অপৰাধত মুম্বাইত গ্ৰেপ্তাৰ হেমা চৌধুৰী ৷
দৈনন্দিন বাৰ্তা ডেস্ক :
উত্তৰ পূৰ্বাঞ্চলৰ জনসাধাৰণৰ বিপক্ষে আপত্তিজনক মন্তব্য কৰাৰ অপৰাধত নাগালেণ্ড আৰক্ষীয়ে বন্যপ্ৰাণী অধিকাৰ কৰ্মী হেমা চৌধুৰীক মুম্বাইৰ পৰা শুকুৰবাৰে গ্ৰেপ্তাৰ কৰে৷ হেমা চৌধুৰীক পশ্চিম মুম্বাইৰ অ’শ্বিৱাৰাৰ বাসগৃহৰ পৰা আৰক্ষীয়ে গ্ৰেপ্তাৰ কৰে৷ উল্লেখ্য যে হেমা চৌধুৰীয়ে ইউটিউবত এটা মতামত প্ৰকাশ কৰিছিল৷ এই মতামতৰ বিৰুদ্ধে নাগালেণ্ড আৰক্ষীৰ অপৰাধ শাখাত ভাৰতীয় দণ্ডাবিধি আইনৰ অধীনত এটা গোচৰ ৰুজু হয়৷ শুকুৰবাৰে হেমা চৌধুৰীৰ বাসগৃহত নাগালেণ্ড আৰক্ষী উপস্থিত হৈ তেওঁক গ্ৰেপ্তাৰ কৰে৷ তেওঁক নাগালেণ্ডলৈ আনি মন্তব্যৰ ওপৰত প্ৰমাণ দিবলৈ দিব৷ অ’শ্বিৱাৰাৰ আৰক্ষী থানাৰ জ্যেষ্ঠ পৰিদৰ্শক দয়ানন্দ বানগাৰে এই কথা জনাইছে ৷