দৈনন্দিন বাৰ্তাৰ সেৱা, ভূৰাগাওঁ, ৮ নৱেম্বৰঃ শুকুৰবাৰে ৰাজ্য চৰকাৰৰ প্ৰভাৱশালী মন্ত্ৰী হিমন্ত বিশ্ব শৰ্মাই ৰাজহুৱা সভা এখনত সকলোকে দিলে নিজৰ মোবাইল নম্বৰ। পিছে মামাই ফোন কৰিবলৈ নহয়, হোৱাটছ আপ কৰিবলৈহে দিছিল নিজৰ মোবাইল নম্বৰ। কিন্তু এতিয়া মোবাইল নম্বৰ দি বিপদত পৰিছে মামা মানে মন্ত্ৰী হিমন্ত বিশ্ব শৰ্মা।
শনিবাৰে এই কথা আমিনগাঁৱত ৰাজুহুৱাকৈ জনালে মন্ত্ৰী শৰ্মাই। মন্ত্ৰী গৰাকীয়ে ‘মোবাইল নম্বৰ দি এতিয়া বিপদ হৈ গ’ল। খুলিব নোৱাৰা হলো। ২২ হাজাৰ মেচেজ আহিছে, খুলিব পৰা নাই। কি কৰিম ভাবিয়ে পোৱা নাই, আহিয়েই আছে। বিজেপিৰ প্ৰতি এয়া মৰম। ডেকা ল’ৰা ছোৱালীয়ে ভিডিঅ’ কল কৰি আছে।’