অৰ্নৱ গোস্বামীক গ্ৰেপ্তাৰৰ বিৰুদ্ধে হোজাই জিলা সাংবাদিক সন্থাৰ উদ্যোগত প্ৰতিবাদী কাৰ্য্যসূচী
দৈনন্দিন বাৰ্তাৰ সেৱা, হোজাই, ৬ নৱেম্বৰঃ ৰিপাব্লিক টিভিৰ মুখ্য সম্পাদক অৰ্ণৱ গোস্বামীক অমানৱীয় ভাবে মহাৰাষ্ট্ৰ আৰক্ষীয়ে কৰা অত্যাচাৰ আৰু গ্ৰেপ্তাৰৰ বিৰুদ্ধে দেশৰ প্ৰান্তে-প্ৰান্তে অব্যাহত আছে প্ৰতিবাদ। আজি হোজাই জিলা সাংবাদিক সন্থাৰ উদ্যোগতো হোজাই চহৰৰ মাজমজিয়াৰ নেতাজী প্ৰতিমূৰ্তিৰ সমীপত কলা বেজ পৰিধান কৰি অৰ্ণৱ গোস্বামীক অমানৱীয় ভাৱে গ্ৰেপ্তাৰৰ বিৰুদ্ধে প্ৰতিবাদী কাৰ্য্যসূচী ৰূপায়ন কৰে।
প্ৰতিবাদী সাংবাদিক সকলে অৰ্ণৱ গোস্বামীক বিনা চৰ্তে মুকলি কৰি দিবলৈ আহ্বান জনায় অন্যথা অনাগত দিনত গণতান্ত্ৰিক ভাবে বৃহৎ আন্দোলন গঢ়ি তোলাৰো হুংকাৰ দিয়ে হোজাই জিলা সাংবাদিক সন্থাৰ সদস্যসকলে। হোজাই জিলা সাংবাদিক সন্থাৰ উদ্যোগত চহৰৰ মাজমজিয়াত হোৱা প্ৰতিবাদী কাৰ্য্যসূচীত জিলাৰ অধিকসংখ্যক সাংবাদিক সকলে অংশ গ্ৰহণ কৰা দেখা গৈছে।