ভাৰতৰ বাবে ইমান ডাঙৰ খেলুৱৈ কেনেকৈ হৈ পৰিল বিৰাট কোহলী? ইয়াৰ ৰহস্য প্ৰকাশ কৰিলে বিৰাটে…
ভাৰতৰ বাবে ইমান ডাঙৰ খেলুৱৈ কেনেকৈ হৈ পৰিল বিৰাট কোহলী? ইয়াৰ ৰহস্য প্ৰকাশ কৰিলে বিৰাটে…। বৰ্তমান লণ্ডনৰ অভালত ভাৰতীয় দলে WTC ৰ চূড়ান্ত খেল খেলিছে। ইফালে দলৰ তাৰকা বিৰাট কোহলীয়ে এক ডাঙৰ সত্যতা প্ৰকাশ কৰিছে। লণ্ডনৰ অ’ভেলত অষ্ট্ৰেলিয়াৰ বিৰুদ্ধে ডব্লিউ টি চিৰ অন্তিম মেচ খেলিছে টিম ইণ্ডিয়াই। টিম ইণ্ডিয়াৰ সৈতেও উপস্থিত আছে বিৰাট কোহলী। এই খিতাপৰ মেচখনৰ মাজতে কোহলীয়ে এটা ডাঙৰ কথা প্ৰকাশ কৰি কয় যে তেওঁ কেনেকৈ ভাৰতীয় দলৰ বাবে ইমান ডাঙৰ খেলুৱৈ হৈ পৰিল।বছৰ বছৰ ধৰি ভাৰতীয় দলৰ হৈ উজ্জ্বল প্ৰদৰ্শন আগবঢ়াই আহিছে বিৰাট কোহলীয়ে। তেওঁ দলৰ হৈ বহু অবিশ্বাস্য ইনিংছ খেলিছে। আইচিচিয়ে শ্বেয়াৰ কৰা এটা ভিডিঅ’ত বিৰাট কোহলীয়ে প্ৰতিদিনে পুৱা সাৰ পোৱাৰ পিছত টিম ইণ্ডিয়াৰ বিষয়ে কি ভাবে সেই কথা কয়। সেই দলবোৰে কেনেকৈ সদায় দলৰ হৈ থিয় দিয়ে।
কোহলীয়ে কয়, “মই প্ৰতিদিনে পুৱা সাৰ পাওঁ এই ভাবি যে মই মোৰ দলৰ বাবে এজন ভাল খেলুৱৈ হ’ব পাৰো, মোৰ দলটোক এটা সকাহৰ অনুভৱ দিওঁ যে মই তেওঁলোকৰ বাবে আছো, এইটো এনেকুৱা এটা কথা যিটোৰ বাবে মই সদায় গৌৰৱ কৰো।” বিশ্ব টেষ্ট চেম্পিয়নশ্বিপৰ ফাইনেলৰ চাৰিদিন সম্পূৰ্ণ হৈছে। ৪৪৪ ৰান খেদি ফুৰা টিম ইণ্ডিয়াক পঞ্চম দিনত জয়ী হ’বলৈ ২৮০ ৰানৰ প্ৰয়োজন। ভাৰতীয় দলটোৱে ৩টা উইকেট হেৰুৱাইছে। চতুৰ্থ দিনৰ খেল সমাপ্ত কৰি বিৰাট কোহলী আৰু অজিংকিয়ে অপৰাজিত হৈ পেভিলিয়নলৈ উভতি আহে। কোহলিয়ে ব্যক্তিগত স্ক’ৰ ৪৪ আৰু ৰাহানে ২০ ৰান লাভ কৰিছে।
২০০৮ চনত শ্ৰীলংকাৰ বিৰুদ্ধে এদিনীয়াৰ জৰিয়তে কোহলিয়ে আন্তঃৰাষ্ট্ৰীয় পৰ্যায়ত অভিষেক ঘটায়। কোহলীয়ে এতিয়ালৈকে ভাৰতৰ হৈ ১০৮খন টেষ্ট, ২৭৪খন এদিনীয়া আৰু ১১৫খন টি-২০ আন্তঃৰাষ্ট্ৰীয় মেচ খেলিছে। টেষ্টৰ ১৮৩ ইনিংছত ৮৪১৬ ৰান সংগ্ৰহ কৰিছে। একে সময়তে এদিনীয়া খেলত তেওঁ ৫৭.৩২ গড়ে ১২৮৯৮ ৰান সংগ্ৰহ কৰিছে। ইয়াৰ বাহিৰেও কোহলীয়ে টি-২০ ইণ্টাৰনেশ্যনেলত ৪০০০ ৰানৰ সীমা অতিক্ৰম কৰিছে। কোহলীয়ে এতিয়ালৈকে আন্তঃৰাষ্ট্ৰীয় কেৰিয়াৰত ৭৫টা শতক অৰ্জন কৰিছে।