নাজিৰা, জয়সাগৰত ক’ৰোনা ত্ৰাসৰ মাজত কেনেদৰে চলিছে ঈদ-উল জোহাৰ প্ৰস্তুতি

গেলেকী : সমগ্ৰ ৰাজ্য তথা শিৱসাগৰ জিলা অন্তৰ্গত নাজিৰা আৰু জয়সাগৰত অনুষ্টুপীয়াকৈ ঈদ-উল জোহাৰ ব্যাপক প্ৰস্তুতি চলিছে। ঈদ-উল জোহালৈ মাজত মাত্ৰ কেইটামান ঘণ্টা বাকী ৷ ক’ৰোনা ত্ৰাসৰ বাবে নাজিৰা, জয়সাগৰত পৱিত্ৰ ঈদ-উল জোহা অনুষ্টুপীয়াকৈ উদযাপন কৰিবলৈ প্ৰস্তুতি চলাইছে ইছলাম ধৰ্মাৱলম্বী লোকসকলে। ঈদ উপলক্ষে গ্ৰামাঞ্চলৰ যুৱতী ও মহিলাসকলে ঘৰতে ৰং বিৰঙী পিঠা পনা বনোৱাত ব্যস্ত হৈ পৰিছে। বজাৰসমূহতো ভিৰ নাই পূৰ্বৰ দৰে৷ ঈদগাহ ময়দান আৰু মছজিদ সমূহতো পূৰ্বৰ দৰে নাই কোনো জাক জমকতা। কিয়নো চৰকাৰৰ নিৰ্দেশনা অনুসৰি ঈদগাহ নাইবা মছজিদত হ’ব নোৱাৰিব জন সমাগম। ইছলাম ধৰ্মাৱলম্বী লোকসকলে জনোৱা অনুসৰি চৰকাৰ নীতি নিৰ্দেশনাক সন্মান জনাই এইবাৰ সকলোৱে ঘৰতেই আদায় কৰিব ঈদৰ নামাজ। পূৰ্বতকৈ এইবাৰ কমিব কুৰবানীৰ সংখ্যাও। মুঠতে ৰাজ্যখনৰ মুছলমান লোকসকলে চৰকাৰৰ নীতি নিৰ্দেশনা মানি পৱিত্ৰ ঈদ-উল জোহা পালন কৰিবলৈ সিদ্ধান্ত গ্ৰহণ কৰিছে। মুছলমান লোকসকলৰ এনে সিদ্ধান্তই সঁচাকৈ কঢ়িয়াই আনিছে এক শুভবাৰ্তা ৷