ব্যস্ততাৰ মাজতে কিছু সময় উলিয়াই আপোনাৰ কেকোঁৰা চুলিকোছা যত্ন ল’ব। ভাবিছে চাগে, কেনেকৈ? শীতকাল-গ্রীষ্মকালত কেকোঁৰা চুলিৰ বাবে মানুহ চিন্তাত পৰে৷ বহু লোকে পুৱা কামলৈ যোৱাৰ আগতে দৈনিক শ্বেম্পু কৰে। কিয়নো তিতা চুলিৰে বাহিৰলৈ ওলাই গ’লে চুলি কাউৰীৰ বাহৰ দৰে নহয়! বতাহত উৰি থকা চুলিৰ অৱস্থা এনেকুৱা হৈ পৰে যে এনে চুলি চম্ভালিবলৈ টান।
গ্ৰীষ্মকালত ঘাম ওলোৱাৰ বাবে সেই সমস্যা আৰু বাঢ়ি যায়। চুলি সৰা সমস্যা আৰম্ভ হয় জটিলতাৰ পৰা। কেকোঁৰা চুলি যিমান ধুনীয়া, যত্ন লোৱাটোও ঠিক তেনেকুৱাই কঠিন! অৱশ্যে ব্যস্ততাৰ মাজতো কেকোঁৰা চুলিৰ যত্ন লোৱাটো সম্ভৱ। জানো আহক-
প্ৰথমতে চুলিখিনি ভালদৰে শ্বেম্পু কৰক।
দ্বিতীয়তে কণ্ডিচনাৰ ব্যৱহাৰ কৰিবলৈ নাপাহৰিব।
তৃতীয়তে তিতা চুলিত ‘Curl Cream’ লগাব। তাৰ পিছত হাতেৰে চুলিখিনি ‘স্ক্ৰাঞ্চ’ কৰক। শেষত জেল ব্যৱহাৰ কৰি চুলিখিনি চেট কৰিব।
তিতা চুলি কেতিয়াও ফণিৰে নফণিয়াব। ড্ৰাইয়াৰেৰে শুকুৱাব নালাগে, ফেনৰ তলতো শুকুৱাব নালাগে বা ৰ’দত শুকুৱাব নালাগে।
দিনটোৰ ভিতৰত বহুতে বিভিন্ন কামত ইমানেই ব্যস্ত থাকে যে কেকোঁৰা চুলিৰ যত্ন ল’বলৈ সময়ে নাপায়।
গতিকে কোকোঁৰা চুলিৰগৰাকীয়ে এই টিপছ সমূহ গ্ৰহণ কৰিব পাৰে।