সংবাদ মাধ্যমৰ বাতৰিৰ প্ৰভাৱ : মাজুলীৰ দৰিদ্ৰ মেধাৱী ছাত্ৰী আৰতি হাতিমতাক আৰ্থিক সাহাৰ্য্য প্ৰদান শাখা সাহিত্য সভাৰ ।

উজনি-মাজুলী পৰা উজনি-মাজুলী বিকাশ শইকীয়া চলিত বৰ্ষৰ হাইস্কুল শিক্ষান্ত পৰীক্ষাত ৯২ শতাংশ নম্বৰলৈ ডিষ্টিংচনসহ সুখ্যাতিৰে উত্তীৰ্ণ হোৱা মাজুলী বনগাঁও সমীপৱৰ্তী পুখুৰীপৰীয়াচুক গাঁওৰ আৰতি হাটীমতাৰ এতিয়া উচ্চ শিক্ষা গ্ৰহণৰ ক্ষেত্রত আৰ্থিক দৈন্যতা হেঙাৰ হৈ পৰিছে | এই সন্দৰ্ভত সংবাদ মাধ্যমত  প্ৰচাৰিত প্ৰতিবেদনৰ পিছতেই সহায়ৰ বাবে আগবাঢ়ি আহিছে মাজুলীস্থ শাখা সাহিত্য সভাৰ বহুকেইজন সুহৃদ | আজি বিয়লি দৰিদ্ৰ ছাত্রীগৰাকীৰ গৃহত উপস্থিত হৈ মাজুলীৰ প্ৰথমটো পৰম সুহৃদ হিতৈষী পৰিয়ালৰ সদস্যা তথা খৰিছাখোৱা প্ৰাথমিক বিদ্যালয়ৰ প্ৰধান শিক্ষয়িত্ৰী অনুপ্ৰভা দেৱী, মাজুলী জিলা সাহিত্য সভাৰ সহকাৰী সম্পাদক মনোজ্যোতি ৰেগন, মধ্য মাজুলী শাখা সাহিত্য সভাৰ উপসভাপতি পাপু বৰা আৰু উত্তৰ কমলাবাৰী শাখা সাহিত্য সভাৰ সম্পাদক শংকুসিদ্ধ নাথে কিছু অৰ্থসাহাৰ্য্য আগবঢ়োৱাৰ লগতে অনাগত সময়ত সহায় সহযোগিতাৰ আশ্বাস প্ৰদান কৰে |