অৰুণোদয় আঁচনি ৰূপায়নক লৈ কামৰূপ মহানগৰ জিলাৰ গুৰুত্বপুৰ্ণ বৈঠক ৷ প্ৰকৃত হিতাধিকাৰীয়ে এই আঁচনিত অন্তৰ্ভুক্ত হ’ব : সিদ্ধাৰ্থ ভট্টাচাৰ্য

গুৱাহাটী : ৰাজ্যৰ বিত্তমন্ত্ৰী ড° হিমন্ত বিশ্ব শৰ্মাই অৰুণোদয় আঁচনি ঘোষণা কৰাৰ পিছতে কামৰূপ মহানগৰ জিলাই আঁচনিখন সঠিকভাৱে ৰূপায়নৰ ক্ষেত্ৰত বিশেষ তৎপৰতা আৰম্ভ কৰিছে ৷ ইয়াৰ বাবেই গুৱাহাটী উন্নয়ন মন্ত্ৰী সিদ্ধাৰ্থ ভট্টাচাৰ্যৰ উপস্থিতিত অলপতে কামৰূপ মহানগৰ জিলাৰ কাৰ্য্যালয়ত এক গুৰুত্বপুৰ্ন বৈঠক অনুষ্ঠিত হয় ৷ অসম চৰকাৰৰ জনহিত অৰুণোদয় আঁচনিখন সঠিকভাৱে ৰূপায়ন কৰাৰ বাবেই এই সভাখন অনুষ্ঠিত কৰা হৈছিল ৷ কামৰূপ মহানগৰ জিল্লা উপায়ুক্ত বিশ্বজিত পেগু, গুৱাহাটী লোকসভা সমষ্টিৰ সাংসদ কুইন ওজাৰ উপস্থিতত বৈঠক অনুষ্ঠিত হয় ৷ উল্লেখ্য যে অতি দৰিদ্ৰ পৰিয়ালৰ লোকে এই আঁচনিখন লাভ কৰে তাৰ বাবেই বিভিন্ন দিশ চালিজাৰি চাই বৃস্তিতভাৱে আলোচনা কৰা হৈছে ৷ এই ক্ষেত্ৰত গুৱাহাটী উন্নয়ন মন্ত্ৰী সিদ্ধাৰ্থ ভট্টাচাৰ্যই বৈঠকত উপস্থিত থাকি কয় যে ৰাজ্য চৰাকাৰৰ অৰুণোদয় আঁচনি এখন উল্লেখযোগ্য আঁচনি ৷ এই আঁচনিৰ জৰিয়তে হিতাধিকাৰীয়ে মাহেকত ধন লাভ কৰিব ৷ সেয়ে আঁচনিখন ৰূপায়নত সাৱধানতা অৱলম্বনৰ প্ৰয়োজন ৷ কিয়নো এই আঁচনিৰ পৰা এজনো প্ৰকৃত হিতাধিকাৰী বাদ নপৰে তাৰ বাবেই আমি সতৰ্কতাৰে কাম কৰাৰ প্ৰয়োজন ৷ এই ক্ষেত্ৰত ভুৱা হিতাধিকাৰী নাম অন্তৰ্ভুক্ত নহয় সেয়া দৃষ্টি ৰাখিব লাগিব ৷ সেইবাবেই কামৰূপ মহানগৰ জিলাৰ কৰ্মচাৰীসকলক এটি টীম হিচাপে কাম কৰিবলৈ আহ্বান জনায় মন্ত্ৰী ভট্টাচাৰ্যই ৷ অৰুণোদয় আঁচনিৰ বৈঠকত বিধায়ক ৰমেন্দ্ৰ নাৰায়ন কলিতাৰ লগতে ভালে সংখ্যক বিষয়া-কৰ্মচাৰী উপস্থিত থাকে ৷