জামুগুৰিহাট : জামুগুৰিহাটৰ কেৱাৰীচুক গাঁৱৰ যুৱতী শান্তি বৰা(১৮)ৰ দেহত যোৱা ১৮ জুনত ক’ভিড পজিটিভ ধৰা পৰাৰ পিছতেই সমগ্ৰ অঞ্চলটি প্ৰশাসনে কন্টেইনমেন্ট জ’ন হিচাপে ঘোষণা কৰাৰ পিছত কভিড’ত আক্ৰান্ত শান্তি বৰাৰ পৰিয়ালৰ ১৫ গৰাকী লোকৰ স্বোৱাব সংগ্ৰহ কৰিছিল স্বাস্থ্যবিভাগে৷ কিন্তু যোৱা কালি নিশা শান্তি বৰাৰ মাতৃ মুনু বৰা(৪২)ৰ স্বোৱাব টেষ্টৰ ফলাফলত ক’ভিড পজিটিভ অহাত অঞ্চলটোৰ ৰাইজৰ মাজত হুৱাদুৱাৰ সৃষ্টি হৈছে৷ স্মৰ্তব্য যে জামুগুৰিহাটৰ কেৱাৰীচুক গাৱঁৰ শান্তি বৰাই তেওঁৰ বায়েকৰ সৈতে ২৫ জানুৱাৰীত কৰ্মসুত্ৰে দিল্লীলৈ গৈছিল। কিন্তু দেশজুৰি ঘোষণা হোৱা লক ডাউনৰ বাবে দুই ভগ্নী দিল্লীতে আবদ্ধ হৈ পৰে। পিছত আন্তঃৰাজ্যিক যাতায়ত মুকলি হোৱাত যোৱা ১ জুনত স্ব-গৃহমুখী হোৱা দুই ভগ্নী যোৱা ৩ জুনত উপস্থিত হয় তেজপুৰ কেন্দ্ৰীয় বিশ্ববিদ্যালয়ত স্থাপন কৰা জ’নেল স্ক্ৰীনিং চেন্টাৰত আৰু তেজপুৰৰ হোটেল কে.আৰ.চি. পেলেচত প্ৰতিষ্ঠানিক পৃথকীকৰন (Institutional quarantine) হৈ আছিল। অৱশ্যে শান্তি আৰু বায়েকৰ স্বোৱাব পৰীক্ষাৰ ফলাফল নিগেটিভ অহাত শোণিতপুৰ জিলা প্ৰশাসনে দুই ভগ্নীকে ৬ জুনৰ নিশা জামুগুৰিহাটৰ কেৱাৰীচুকৰ নিজা ঘৰত থৈ হোম কোৱাৰেন্টাইন হোৱাৰ নিৰ্দেশ দি যায়। হোম কোৱাৰেন্টাইন হৈ থকা অৱস্থাতে শান্তি বৰা মূৰৰ বিষত ভোগে আৰু ১০৮ সেৱাৰ জৰিয়তে যোৱা ১৪ জুনৰ দিনা শান্তি আৰু বায়েক যামিনী বৰা দুয়োকে বিশ্বনাথ চাৰিআলি অসামৰিক চিকিৎসালয়লৈ আনি স্বোৱাব সংগ্ৰহ কৰি বিশ্বনাথ জিলাৰ নাগশংকৰ হাইস্কুলত স্থাপন কৰা কোৱাৰেন্টাইন কেন্দ্ৰত ৰখা হৈছিল যদিও ১৮ জুনত শান্তি বৰা ক’ভিড পজিটিভত আক্ৰান্ত হোৱাটো নিশ্চিত হোৱাত লগে লগে ক’ভিডত আক্ৰান্ত শান্তিক বিশ্বনাথ চাৰিআলি আইচ’লেচন কেন্দ্ৰলৈ প্ৰেৰণ কৰে স্বাস্থ্যবিভাগে৷ লগতে শান্তি বৰা হোম কোৱাৰেন্টাইন হৈ থকা কেৱাৰীচুক গাঁওখনকো শোণিতপুৰ জিলা প্ৰশাসনে কন্টেইনমেন্ট জ’ন হিচাপে ঘোষণা কৰিছিল৷ কালি শান্তি বৰাৰ প্ৰাথমিক সংস্পৰ্শলৈ অহা মাতৃৰো ক’ভিড ১৯ ত আক্ৰান্তৰ ফলাফল অহাত নিশাই মাতৃ মুনু বৰাক তেজপুৰ মেডিকেল হস্পিতাললৈ প্ৰেৰণ কৰাৰ লগতে আজি পু্ৱা কন্টেইনমেন্ট এলেকাটো পুনৰ প্ৰশাসনে চেনিটাইজ কৰে৷ উল্লেখ্য যে যোৱা ২০ জুনত ত্যাগবীৰ হেমবৰুৱা মহাবিদ্যালয়ৰ কোৱাৰেন্টাইন চেন্টাৰতো বহি:ৰাজ্যৰ পৰা আহি কোৱাৰেন্টাইন হৈ থকা তিনিজন যুৱকৰ দেহত ক’ভিড পজিটিভ ধৰা পৰিছিল৷ কালি মুনু বৰা(৪২) ক’ভিডত আক্ৰান্ত হোৱাত বৰ্তমানলৈকে জামুগুৰিহাটত ক’ভিডত আক্ৰান্তৰ সংখ্যা ৫ গৰাকীলৈ বৃদ্ধি পালে৷ ইতিমধ্যে ক’ভিডত আক্ৰান্ত জীয়ৰীৰ পৰা মাতৃলৈ কৰ’না সংক্ৰমণ হোৱাৰ বাতৰিয়ে জামুগুৰিহাটৰ জনসাধাৰণক ভীতিবিহ্বল কৰি তোলাৰ লগতে জনসমাগমো হ্ৰাস পোৱা পৰিলক্ষিত হৈছে৷
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- জাতিটোৰ ভৱিষ্যতৰ বাবে বিজেপিক ভোটদান কৰকঃ আইমী বৰুৱা
- শিলচৰ আৰু কৰিমগঞ্জত বিজেপি প্ৰাৰ্থীৰ সমৰ্থনত জন সভা, বাইক ৰেলীত যোগদান সৰ্বানন্দ সোণোৱালৰ
- সামাজিক দায়বদ্ধতা আৰু কল্যাণ পুঁজিৰ অধীনত ফুলামপুৰ মধ্য ইংৰাজী বিদ্যালয় আৰু ফুলামপুৰ হাইস্কুললৈ ৫.৭০ লাখ টকাৰ অনুদান ।
- বিশিষ্ট সাহিত্যিক ‘ ৰঞ্জু হাজৰিকা’লৈ নন্দন কাননৰ ষষ্ঠ সংখ্যক কৰ্মবীৰ চন্দ্ৰনাথ শৰ্মা বঁটা ঘোষণা
- বিহুবৰ চাহ বাগিছাৰ সীমান্তৱৰ্তী অঞ্চলৰ নৈপৰীয়া ৰাইজৰ মাজত তীব্ৰ আতংকৰ সৃষ্টি…
- বাক্সাত ২৪ ঘন্টা পাৰ নহওঁতেই গ্ৰেপ্তাৰ দুই হত্যাকাৰীক…
- শিৱসাগৰৰ জয়সাগৰত ট্ৰেলাৰৰ পৰা বাগৰি পৰিল বৃহৎ লোহা ! কথমপি ৰক্ষা পৰিল পথচাৰী…
- সমষ্টি দখলৰ বাবে কংগ্ৰেছৰ মনোনীত প্ৰাৰ্থী মাধৱ ৰাজবংশীৰ অংক…
- ৰঙিয়াত লোকসভা নিৰ্বাচনৰ বাবে নিৰ্বাচনী বিষয়াৰ টোল-ফ্ৰী নম্বৰ মুকলি…
- নিৰ্বাচনৰ মাজতে মণিপুৰত ভয়ংকৰ বিস্ফোৰণ…